Ўзбекистонда ҳафта ўрталарига бориб ҳарорат яна кўтарилади

Иш ҳафтаси давомида Ўзбекистон ҳудуди бўйича ҳаво асосан кам булутли ва қуруқ бўлиши кутилмоқда, деб хабар беради “Ўзгидромет”.

Қайд этилишича, ҳаво ҳарорати аста-секин кўтарилади ва ҳафта ўртасига келиб кечалари 13-18 даражани, кундуз кунлари 30-35 даражани ташкил этади, жанубда ва чўл ҳудудларида 36-38 даражагача бўлади. Бу май ойининг ушбу даври учун ўртача кўп йиллик қийматлардан 5-7 даражага юқоридир.

12 майда республика ҳудудига Туркманистон ҳудудларидан нисбатан нам ҳаво кириб келади. Тошкент, Самарқанд, Жиззах, Сирдарё, Қашқадарё, Сурхондарё вилоятларида баъзи жойларда қисқа муддатли ёмғир ёғиши, момақалдироқ бўлиши мумкин. Кундузги ҳаво ҳарорати 2-3 даражага пасаяди ва 27-32 даражани ташкил этади.

8–9 май кунлари шимолда, 11–12 май кунлари эса республика бўйича баъзи жойларда шамол тезлиги 13-18 метр/секундгача кучайиши, айрим жойларда чанг-тўзонлар билан кузатилиши мумкин.

Тоғолди ва тоғли ҳудудларда 8 ва 11–12 майда момақалдироқ билан маҳаллий ёмғирлар ёғиши мумкин.