The New York Times нашри Россия ва Украина кучлари ўртасида шиддатли жанг кечаётган Бахмут шаҳрини сунъий йўлдошдан кўринишини намойиш қилди. Суратлар Maxar Technologies компанияси томонидан тақдим этилган.
Сунъий йўлдош тасвирида 6 март ва 23 февраль кунларидаги ҳолат намойиш қилинган. Унда шаҳарнинг шарқий қисми энг кўп вайрон бўлганини кўриш мумкин.
Яна бир суратдан сўнгги бир неча ҳафта ичида Бахмут жанубидаги ҳудуд ва кўприк катта зарар кўргани акс этган. 23 февралдаги суратда эса шаҳардаги саноат корхоналари ва турар жой бинолари вайрон қилингани кўрсатилган.
Аввалроқ Буюк Британия Мудофаа вазирлиги Украина кучлари Донецк вилоятининг Бахмут ҳудудида мудофаа периметрини кучайтирганини маълум қилганди. Британия разведкачилари 2 март куни Бахмутдаги кўприк портлатилганини эслатиб ўтган ва бу қайта таъминот ҳаракатларини мураккаблаштиришини маълум қилди.
Бундан ташқари, разведка “Вагнер” ва Россия Мудофаа вазирлиги ўртасида ўқ-дориларни тақсимлаш бўйича оммавий келишмовчилик олдинга силжиш учун зарур бўлган шахсий таркибни ва ўқ-дориларни ушлаб туришда қийинчиликка сабаб бўлишини билдирган.
Изоҳ (0)