Бош прокуратура коррупцияга қарши курашиш, тизимни нопок ходимлардан тозалаш ишлари доирасида икки ходимга нисбатан жиноят иши қўзғатди.
Маълум қилинишича, Бош прокуратура бошқарма катта прокурори Э.А. ҳамда Учтепа туман прокуратураси терговчиси А.Д.ларнинг жиноий қилмишлари фош этилиб, уларга нисбатан 6 май куни Жиноят кодексининг 168 (фирибгарлик) ва 28, 211 (пора бериш) моддалари билан жиноят иши қўзғатилган.
Жиноят иши бўйича гумонланувчилар процессуал тартибда ушланган. Ҳозирда тергов ҳаракатлари олиб борилмоқда.
“Терговга аралашиш ва тўсқинлик қилиш ҳолатларининг олдини олиш мақсадида бошқа тафсилотлар ошкор қилинмайди”, — дейилади хабарда.
Февраль охирларида ДХХпрокуратура, суд, Миллий гвардия ва адвокатура ходимларини жиноят устида қўлга олгани, 2022 йил январда Фарғонада прокурор 1 000 доллар пора билан қўлга тушгани, 2021 йилда эса Андижон прокуратураси ходими 15 минг доллар пора билан ушлангани тўғрисида хабар берилганди.
Изоҳ (0)