Украина кенг кўламли қарши ҳужумга деярли тайёр, аммо унинг муваффақиятига учта омил тўсқинлик қилиши мумкин. Бу ҳақда CNN хабар берди.
“Баҳорги қарши ҳужумга тайёргарлик деярли якунланди. У амалга оширилганда конфликтда бурилиш нуқтасига айланиши мумкин. Аммо руслар мураккаб мудофаани қуриш учун салкам олти ойга эга бўлди. Қарши томоннинг мудофаасини ёриб ўтиш катта синов бўлади”, — дейилади хабарда.
Сунъий йўлдошдан олинган суратлар Россия армияси Украина жанубида танкка қарши зовурлар, тўсиқлар, миналанган майдонлар ва хандақлардан иборат мудофаа қурганини кўриш мумкин. Украина қўшинлари қандайдир тарзда бу тўсиқларни айланиб ўтиши ёки ҳужум тезлигини йўқотмасдан тўсиқлардан ўтиши керак.
Энг мустаҳкамланган ҳудудлар Запороже вилоятининг жануби-шарқий қисми ва Қримдир. Хусусан, Пологи ва Токмак йўналишлари яхши мустаҳкамланган, бу Мелитопол томон ҳаракатланишни қийинлаштириши керак.
“Бундай мудофаа фақат ҳар бир секторга тайинланган кучлар учун яхши. Чунки бу ўз-ўзидан чекланган тўсиқдир. Россия Украина жанубига кўпроқ бўлинмаларни ўтказгани сабаби шундадир”, — дея таъкидлайди нашр.
Украина қарши ҳужумининг муваффақиятига салбий таъсир кўрсатиши мумкин бўлган иккинчи омил — кутилмаган омилнинг йўқлигида. Харьков вилоятидаги ҳужумдан фарқли ўлароқ, бу сафар Россия ҳарбийлари Украина қуролли кучларининг айнан жанубдан ҳужумини кутмоқда.
Шу сабабли, Украина кучлари ҳужумнинг биринчи кунидаёқ ҳал қилувчи муваффақиятга эришиши керак.
“Украинанинг мақсади Россия ҳарбий раҳбариятини фалаж қилиш ва россиялик оддий аскарларни ваҳима қўйиш бўлиши керак”, — дейди лондонлик замонавий урушлар бўйича мутахассис Франс-Стефан Гади.
У идеал сценарий сифатида зирҳли танк кучларнинг рус мудофааси эшелонининг заиф томонига кириб бориши ва тезкор ҳаракат қилишида деб билади.
Украина қуролли кучларининг қарши ҳужуми натижасига таъсир қиладиган учинчи омил — Россия армиясининг ҳаводаги устунлиги.
“Муваффақиятли мудофаанинг атрибутларидан бири бу қарши ҳужумга ўтиш, душманни мувозанатдан чиқариш ва уни ўзи хоҳлаган жойга қўшин юборишга мажбур қилишдир. Русларнинг буни самарали бажариш қобилияти шубҳали. Аммо Россия кучлари ҳавода аниқ устунликни сақлаб қолади ва бу Украина армиясининг ҳаракатланишини секинлаштириши мумкин”, — дейилади хабарда.
Изоҳ (0)