Ёғлар диетанинг муҳим таркибий қисми ва энергиянинг асосий манбаи ҳисобланади. Айниқса, тўйинмаган ёғлар фойдали: улар таркибида глюкоза тезроқ сўрилишини таъминлайдиган элементлар мавжуд. Бу диабет ва метаболик синдром (метаболик касалликлар) ривожланишига тўсқинлик қилади.
Омега-3 ёғ кислоталари қондаги зарарли холестерин даражасини пасайтиради ва қон томирлар деворларига холестерин бляшкалари ўрнашиб қолишининг олдини олади. Бундан ташқари, кўкрак бези саратони ривожланиш хавфини камайтиради, иммунитетни мустаҳкамлайди.
Тўйинмаган ёғларнинг асосий манбаи балиқ, сабзавотлар, ёнғоқ ва уруғлардир. Бундан ташқари, зайтун, кунгабоқар ва ерёнғоқ ёғлари, авокадода жуда кўп фойдали микроэлементлар мавжуд.
Тўйинган ёғлар гўшт, парранда гўшти, сут маҳсулотлари, пишлоқ, кокос мойлари ва сариёғда учрайди. Улардан фойдаланиш жоиз, аммо меъёрида.
Гап шундаки, бундай моддалар организмда тўпланиб, холестериннинг умумий даражасини оширади. Бугунги кунда юрак ишемик касаллиги ривожланиш хавфи ортиб бормоқда.
Трансёғлар — энг зарарли моддалардан таркиб топган ва у қуйидаги маҳсулотлар таркибида учрайди:
- Печенье;
- Кекслар;
- Пицца;
- Майонез;
- Чипслар;
- Колбаса;
- Картошка фри ва бошқа кучли қовурилган таомлар.
Улар қондаги зарарли холестерин даражасини оширади, бу эса артериялар ва қон томирлари деворларига ёпишиб қолиши мумкин бўлган холестерин бляшкаларининг шаклланишига олиб келади. Бу эса қон айланишини ва оқимини секинлаштиради.
Бошқа асоратлар ҳам мавжуд:
- Ёғ ички органларда тўпланади, виссерал ёғ пайдо бўлади (қорин бўшлиғидаги ортиқча ёғ тўқималари), бу юракка ва унинг фаолиятига салбий таъсир қилади;
- Юрак юқори юк режимида ишлайди, бу унинг муддатидан олдин заифлашишига олиб келади;
- Мия етарлича кислород олмайди;
- Холестерин бляшкалари ёрилиши тромбозга олиб келиши мумкин.
Фото: Championat
Аллақачон юрак билан боғлиқ муаммоларга дуч келган бўлсангиз, шифокор билан маслаҳатлашишни унутманг: у сизга янги овқатланиш одатларини шакллантиришга ёрдам беради ва тузатувчи диетани тавсия қилади.
Изоҳ (0)