Украина 3 майга ўтар кечаси Россия президенти Владимир Путиннинг Кремль қароргоҳига дронлар билан зарба беришга уринди. Бу ҳақда “РИА Новости” хабар берди.
“Иккита дрон Кремлни нишонга олишга қаратилди. Ҳарбийлар ва махсус хизматларнинг радар жанговар тизимларидан фойдаланган ҳолда ўз вақтида кўрган ҳаракатлари натижасида қурилмалар ишдан чиқди”, — дейилади хабарда.
Ҳужум оқибатида Путин жабрланмаганини маълум қилинди. Унинг иш жадвали ўзгармаган ва одатдагидек давом этади.
Кремль ҳудудига дрон парчалари тушиши оқибатида қурбонлар қайд этилмаган. Кремль бу ҳаракатларни режалаштирилган террорчилик ҳаракати ва Ғалаба куни, 9 май паради арафасида президентга суиқасд сифатида баҳоламоқда. Москвада 3 майдан бошлаб дронлар учириш тақиқланди.
Изоҳ (0)