Тошкент вилоятининг Олмалиқ шаҳрида ўзганинг Spark автомобилини олиб қочишда гумонланган 6 нафар йигит қўлга олинди. Бу ҳақда “Замон” информацион дастурида маълум қилинди.
Қайд этилишича, 27 февраль куни соат 18:30 ларда Олмалиқ шаҳар ИИБга Оҳангарон туманида яшовчи 1986 йилда туғилган фуқаро қўнғироқ қилиб, ўзига тегишли Spark автомобилини номаълум шахслар иш жойи олдидаги автотураргоҳдан олиб қочганини билдирган.
Ушбу автотранспорт воситасини қидириб топиш бўйича жойларда фуқаролар билан тезкор ҳаракатлар олиб борилган. Яқин ҳудудларда жойлашган объектлардаги кузатув камералари ўрганилиб, Spark'нинг ҳаракатланиш йўналиши аниқланган. Суриштирув ишлари давомида шаҳар ичидан, кўп қаватли уйлар олдидан топилган.
Йўл ҳаракати хавфсизлиги Жиноят қидирув ва Пост-патрул хизмати ходимлари ўзаро ҳамкорликда иш кўриши натижасида жиноят иши доирасида 1999—2004 йиллар оралиғида туғилган олти нафар йигит қўлга олинган.
Гумонланувчилардан бирининг сўзларига кўра, у бундан ташқари 3 та Damasънинг орқа ойналарини синдириб, уларнинг ичидаги қимматбаҳо буюмларни ўзлаштирган.
Ҳолат юзасидан Олмалиқ шаҳар ИИБ Тергов бўлими томонидан дастлабки тергов ҳаракатлари олиб борилмоқда.
Изоҳ (0)