Сурхондарёда эркак ўзганинг Тico’сини олиб қочди. Энди у 10 йилгача озодликдан маҳрум қилиниши мумкин

Сурхондарёда маст ҳолда ўзганинг машинасини олиб қочиб ЙТҲgа учраган эркакка нисбатан жиноят иши қўзғатилиб, қамоққа олинди.

ИИВ ҳузуридаги Тергов департаментининг маълум қилишича, олиб қочилган Тiсо машинаси Музработ туманида яшовчи 51 ёшли Х.Ў.га тегишли бўлган. У 28 март куни соат 22:00 ларда машинани танишининг уйи олдида қаровсиз қолдириб кетганида номаълум шахс бундан фойдаланиб уни олиб қочгани ҳақида хабар бериб, транспорт воситасини олиб қочган шахсга нисбатан қонуний чора кўришни сўраган.

Олиб борилган тергов-тезкор тадбирлари давомида, шу куннинг ўзида автомашина Термиз шаҳар “Мангузар” ЙПХ масканидан ҳаракатланиб кетаётгани аниқланган. ЙПХ ходимлари машинани тўхтатишни талаб қилганида, номаълум шахс улардан қочишга ҳаракат қилаётганида бошқарувни эплай олмай, ЙТҲgа учраган. Шу вақтда у ИИБ ходимлари томонидан қўлга олинган.

Қонунбузарнинг шахси текширилганда, у Жарқўрғон тумани “Обиҳаёт” маҳалласида яшовчи муқаддам судланган, спиртли ичимлик таъсирида бўлган 36 ёшли Ж.Х. экани аниқланган.

Мазкур ҳолат юзасидан Ангор тумани ИИБ ҳузуридаги Тергов гуруҳи томонидан Ж.Х.га нисбатан Жиноят кодекснинг 267-моддаси 1-қисми (транспорт воситасини олиб қочиш) билан жиноят иши қўзғатилиб, унга нисбатан қамоққа олиш тарздаги эҳтиёт чораси қўлланилган.

Ушбу жиноятни содир этганлик учун Жиноят кодексида 5 йилдан 10 йилгача озодликдан маҳрум қилиш билан боғлиқ жазо қўлланилиши белгиланган.