Ўзбекистонда 2023 йил 1 апрель ҳолатига кўра банкларнинг муаммоли кредитлари тўғрисида маълумот берилди. Бу ҳақда Марказий банк хабар берди.
Унга кўра, банклардаги жами кредит портфели 408,6 трлн сўмга етган. Бу ўтган ойга нисбатан 10,6 трлн сўмга кўпроқ дегани.
Март ойида банклардаги умумий муаммоли кредитлар (NPL) февраль ойига нисбатан 710 млрд сўмга камайиб, 14,3 трлн сўмни ташкил қилган. NPL миқдори жорий йил бошидан бери биринчи маротаба пасайди.
Январда муаммоли кредитлар кўрсаткичи 920 млрд сўмга, февралда эса 160 млрд сўмга кўпайган эди.
Ўтган ойда умумий кредит портфелидаги NPL улуши 0,3 фоизга пасайиб, 3,5 фоиз даражасида бўлди. Банклар орасида NPL миқдори энг кўп “Миллий банк”да сақланиб қолмоқда ва ўтган ойга нисбатан бироз кўпайган — 2,6 трлн сўм.
NPL улуши бўйича энг баланд кўрсаткич ҳамон “Ўзагроэкспорбанк”да — банкнинг жами кредитлардаги NPL улуши 80,4 фоизни ташкил қилди. Бу январга нисбатан 3,9 фоизга кўпроқ бўлса-да, январга нибатан 16,1 фоизга камроқ.
Изоҳ (2)
25 милйон киредит олиб 35 милйон булдими нииа
набарот муамо купайиб кетику барака топкурла киредитга мол куй олиб кашоклашдим банкирлага таминотчилага чора курингла