Украинанинг собиқ бош вазири Николай Азаров 2023 йил охиригача мамлакатнинг давлат қарзи 173 миллиард долларга етиши мумкинлигидан огоҳлантирди, бу рекорд кўрсаткичдир. У ўз хавотирларини ижтимоий тармоқлар орқали билдирди.
-17.jpg)
“Ғарб ёрдамларининг бир қисми грант шаклида бўлса-да, АҚШ, Европа Иттифоқи, бошқа мамлакатлар ва ташкилотлардан келадиган маблағнинг катта қисми фақат кредитлардир. Ва уларни эртами-кечми тўлаш керак”, — дейди Азаров.
Унга кўра, Украина бюджетининг ўз даромадлари Ғарбдан келаётган ёрдам ҳажмидан тўрт баравар кам, яъни мамлакатнинг давлат қарзи унинг даромадларининг 300 фоизини ташкил қилади.
“Ҳа, бир гуруҳ кредиторлар Украинага ташқи қарзни тўлаш муддатини 2027 йилгача кечиктиришди. Аммо кечикиш умуман қарзларни тўлаш шарт эмас дегани эмас. Қарзлар ўсиши билан Украинанинг қарзга хизмат кўрсатиш харажатлари ҳам ўсиб бормоқда. Бу йил улар икки баравар кўпаяди”, — деди собиқ бош вазир.
Азаров 2002—2006 йилларда икки марта Украина молия вазири, 2010—2014 йилларда президент Виктор Янукович даврида эса Украина Бош вазири бўлган.
Аввалроқ Украина Молия вазирлиги январь ойида мамлакатнинг давлат қарзи 5 миллиард долларга ошиб, 116 миллиард долларга етгани ҳақида хабар берган эди.
Изоҳ (0)