Соғлиқни сақлаш вазирлиги кўмагида Репродуктив тиббиёт ассоциацияси томонидан Тошкент шаҳрида Репродуктив тиббиёт ва генетика институти очилди. Бу ҳақда вазирлик матбуот хизмати хабар берди.
Қайд этилишича, 2023/2024-ўқув йилидан ушбу институтда клиник ординатура ташкил қилиниб, репродуктолог, акушер-гинеколог каби мутахассислар тайёрлаш бошланади.
Шунингдек, шу йилнинг ўзида хорижий экспертлардан иборат бўлган репродуктология, эмбриология, ситология, генетика йўналишларида илмий татқиқот ишларини олиб борувчи ва ушбу йўналишларда илмий даража берувчи ихтисослашган Илмий Кенгаш фаолияти йўлга қўйилади.
“Ушбу замонавий ихтисосликлар бўйича мутахассислар тайёрлаш Ўзбекистонда илк бор йўлга қўйилмоқда”, — дейилади хабарда.
Ҳозирда мамлакат аҳолиси орасида туғилиш коэффициенти 3,2 ни ташкил этиб, ҳар йили қарийб 1 миллион нафарга яқин чақалоқ дунёга келади.
Ўзбекистонда 19 апрелдан илк марта “Боланинг соғлом овқатланиш ҳафталиги” бошланди. Ҳафталик доирасида 208 та кўп тармоқли марказий поликлиника, 1 049 та оилавий поликлиника, 1 080 та оилавий шифокор пунктининг 17,3 мингта тиббий бригадалари ва 34,6 минг нафар патронаж ҳамширалари томонидан 1 миллион 878 минг нафардан зиёд 6-23 ойлик болалар учун уй шароитида тайёрланадиган овқатларни бойитиш мақсадида микронутриент кукунлари топширилади.
Изоҳ (0)