Qashqadaryo viloyati Qarshi shahrida o‘qituvchilardan pora talab qilgani aytilgan direktor lavozimiga qayta tiklandi. Viloyat maktabgacha va maktab taʼlimi boshqarmasi holat yuzasidan tushuntirish berdi.
Unga ko‘ra, Qashqadaryo viloyati maktabgacha va maktab taʼlimi boshqarma boshlig‘i, boshqarma va bo‘limning masʼullari hamda tegishli mutasaddilar ishtirokida Oliy sud Fuqarolik ishlari bo‘yicha sudlov hayʼatining tegishli ajrimi yuzasidan maktab direktorini ishga tiklanish buyrug‘ini tanishtirish jarayoni amalga oshirilgan.
Maʼlum qilinishicha, K.G. (maktab direktori) fuqarolik ishlari bo‘yicha sudlov hayʼatining 23-fevraldagi ajrimi hamda Mehnat kodeksining 111-moddasiga asosan Qarshi shahar 24-umumiy o‘rta taʼlim maktab direktori lavozimiga tiklangan.
Ijtimoiy tarmoqlarda mazkur holat ko‘plab muhokamalarga sabab bo‘lgan. Ushbu maktab o‘qituvchilari uning ustidan shikoyat qilib, murojaat yo‘llagan edi. Ular o‘z murojaatida direktor pora talab qilayotganini aytgandi.
Izoh (0)