26 апрель куни YouTube тармоғи ва MY5 телеканали орқали “Ўзбекистонлик” фильмининг учинчи эпизоди премьераси бўлиб ўтди. Фильм томошабинлар томонидан жуда илиқ кутиб олинди. Буни YouTub’даги изоҳлардан ҳам билиб олиш мумкин.
Хусусан, Иззатбек Ибрагимов исмли фойдаланувчи “Мен Ўзбекистонликман, шу гапни мағрурланиб айтиш ҳар бир ўзбекка насиб қилсин” деб ёзган. Бошқа бир фойдаланувчи Рўзимбой Олимбоев “Бу фильмдаги қаҳрамонларга ва саҳна ортидаги ташкилотчи иштирокчиларга катта раҳмат. Меҳнатингизни қадрлайман. Кутганимдек ажойиб чиққан. Респект”, дея изоҳ қолдирган.
Фильмнинг асосий ғояси бу мақсад сари олға бориш ва бу орқали ёшларга мотивасия беришдан иборат. Жуда кўплаб изоҳларда бу фикрни учратиш мумкин. Жумладан, Нигина Собиржонова исмли фойдаланувчи худди шундай изоҳ қолдирган: “Бу сони ҳам жуда ажойиб чиқибди. Анча кутилган эди кўрибоқ севиндик. Кўрсатув 1 соат бўлган бўлса-да, олам-олам таассурот, хулоса ва фикрлар олдик. Айниқса уларнинг босиб ўтган йўллари ва машаққатлари ҳамда бераётган маслахатлари бизни янада илм сари олға боришга ундаяпти. Бунинг учун ташкилотчиларга раҳмат”.
Яна бир фойдаланувчи Фарангиз Тўйчиева ҳам фильм унга катта кўмак бераётганини ёзади: “Ҳар бир эпизоддан мотивация оламан ва Ўзбекистон фарзанди эканлигимдан фахрланаман. Олдимга янада аниқ ва тиниқ мақсадлар қўйишда ўзимда куч топаман. Аллоҳ рози бўлсин”, — деган у.
Фильмни тўлиқ қуйидаги ҳавола орқали томоша қилиш мумкин. Унда жаҳоннинг энг йирик нефть-газ компанияларидан бири – Shell’да IT-архитектор сифатида фаолият юритаётган Мадина Бердиева ва Страсбург филармоник оркестрининг мусиқий ва бадиий раҳбари Азиз Шоҳакимов ҳақида ҳикоя қилинади.
Изоҳ (0)