Сурхондарё вилоятида тадбиркор Рамазон ҳайити куни 40 та эҳтиёжманд оилага уй ҳадя қилди. Бу ҳақда вилоят ҳокимлиги ахборот хизмати хабар берди.
Хабарга кўра, Рамазон ҳайити байрамига туҳфа сифатида Шерободлик тадбиркор томонидан туманнинг “Тароқли” маҳалласида 2 та кўп қаватли, 40 та хонадонли турар жой қуриб битказилди ҳамда тўлиқ жиҳозланган ҳолда боқувчисини йўқотган, уй-жойсиз хотин-қизларга топширилди.
Тадбирда вилоят ҳокими Улуғбек Қосимов иштирок этиб, тадбиркорга ўз миннатдорчилигини билдирди ва хонадонлар калитларини Президент номидан ўз эгаларига топширди.
Изоҳ (0)