Ўзбекистонда картошка етиштирувчиларга имтиёзли маблағлар ажратилади. Бу ҳақда президентнинг 19 апрель кунги йиғилишида маълум қилинди.
Қайд этилишича, Тошкент давлат аграр университетининг Самарқанд филиалида илм—таълим—ишлаб чиқариш тамойили бўйича Картошка уруғчилиги маркази ташкил этилади.
Картошканинг яширин вирус касалликлари ва сифат кўрсаткичларини аниқлаш бўйича 4 миллион долларлик лаборатория ишга туширилади. Шу каби чора-тадбирларни амалга ошириш натижасида 2025 йилдан картошка уруғчилигига бўлган ички талаб тўлиқ таъминланади.
Давлат раҳбари бу таклифларни маъқуллаб, уруғлик картошка етиштириш ҳажмини ошириш ва сифатини кафолатлаш бўйича кўрсатмалар берган. Қишлоқ хўжалиги вазирлигига 500 тонна элита картошка уруғларини 1700 та аҳоли томорқаларига бепул тарқатиш, картошка етиштирувчиларга имтиёзли маблағлар ажратиш вазифаси қўйилган.
Изоҳ (0)