Фарғона шаҳрида “Конституция ўзимизники” шиори остида Конституциявий қонун лойиҳаси бўйича тарғибот тадбири ва концерт дастури бўлиб ўтди. “Дарё” мухбирлари мазкур тадбирдан фоторепортаж тайёрлади.
Фарғона шаҳридаги санъат саройининг очиқ саҳнасида 30 апрель куни бўлиб ўтадиган референдум олдидан конституцион ислоҳотлар мазмун-моҳиятига бағишлаб ташкил этилган тадбирда минглаб ёшларнинг фаоллиги кузатилди.
.jpg)
Вилоятнинг турли ҳудудларидан келган ёшлар ва аҳоли вакиллари қизиқарли савол-жавоблар давомида Конституцияга киритилаётган ўзгаришларга бефарқ эмаслигини, бўлажак референдум жараёнларида фаол иштирок этишини таъкидлади.
Концерт дастури тарзида ўтказилган тарғибот тадбирида санъаткорлар, вилоятнинг таниқли шахслари сўз олиб, барчани конституция ислоҳотларида фаол бўлишга ва 30 апрелга белгиланган референдумда иштирок этишга чақирди.
“Беном” гуруҳи, Гулсанам Мамазоитова, Жаҳонгир Позилжонов каби эстрада юлдузлари ва фарғоналик таниқли санъаткорлар ижросидаги шўх куй-қўшиқлар тадбирга кўтаринкилик бағишлади. Концерт дастури мушакбозлик билан якунланди.
.jpg)
Изоҳ (0)