Farg‘ona shahrida “Konstitutsiya o‘zimizniki” shiori ostida Konstitutsiyaviy qonun loyihasi bo‘yicha targ‘ibot tadbiri va konsert dasturi bo‘lib o‘tdi. “Daryo” muxbirlari mazkur tadbirdan fotoreportaj tayyorladi.
Farg‘ona shahridagi san’at saroyining ochiq sahnasida 30-aprel kuni bo‘lib o‘tadigan referendum oldidan konstitutsion islohotlar mazmun-mohiyatiga bag‘ishlab tashkil etilgan tadbirda minglab yoshlarning faolligi kuzatildi.
.jpg)
Viloyatning turli hududlaridan kelgan yoshlar va aholi vakillari qiziqarli savol-javoblar davomida Konstitutsiyaga kiritilayotgan o‘zgarishlarga befarq emasligini, bo‘lajak referendum jarayonlarida faol ishtirok etishini ta’kidladi.
Konsert dasturi tarzida o‘tkazilgan targ‘ibot tadbirida san’atkorlar, viloyatning taniqli shaxslari so‘z olib, barchani konstitutsiya islohotlarida faol bo‘lishga va 30-aprelga belgilangan referendumda ishtirok etishga chaqirdi.
“Benom” guruhi, Gulsanam Mamazoitova, Jahongir Poziljonov kabi estrada yulduzlari va farg‘onalik taniqli san’atkorlar ijrosidagi sho‘x kuy-qo‘shiqlar tadbirga ko‘tarinkilik bag‘ishladi. Kontsert dasturi mushakbozlik bilan yakunlandi.
.jpg)
Izoh (0)