Карьерасининг бошларида Жессика Честейнга сочларини сариқ рангга бўяш, Леди Гагага бурни шаклини тузатиш, Женнифер Лопесга эса бир неча килограмм вазн йўқотиш таклиф қилинган. Бироқ ҳеч нарсага қарамай, ўзларининг индивидуаллигини сақлаб қолишга қарор қилган ва ажойиб муваффақиятларга эришган таниқли аёллар ҳақида маълумот берамиз.
Приянка Чопрага қомати устида “ишлашни” тавсия қилишган
Фаолиятининг бошида бир режиссёр Приянка Чопрага агар у актриса бўлишни хоҳласа, ташқи кўринишига жиддий қараши кераклигини айтади. Чопрага қомати устида ишлаш ва жағини тузатиш тавсия қилинади. Актрисанинг менежери бунга рози бўлади. Бироқ Чопра ўша директор билан ишлашдан бош тортади ва менежерини ўзгартиради.
Муваффақиятли актриса ҳали ҳам “номукаммал” қомати туфайли босим остида. Яқинда унга жуда катта эканлиги ва идеал ўлчамга мос келмаслигини айтишади. Приянка танқиддан хафа бўлиб, йиғлаб юборади.
Леди Гага бурнининг шаклини тузатиш таклифини олади
Леди Гага биринчи ҳити устида ишлаётганида ҳаёт уни жуда сурбет одам билан бирга ишлашга мажбур қилади. У хонандага бурнини ринопластика қилдирса, ёмон бўлмаслигини айтади.
Юлдуз “Йўқ, менга италянча бурним ёқади”, деб жавоб беради. Афтидан, Леди Гага бошиданоқ ўз қоидалари бўйича ўйнаган. Шунинг учун ҳам у миллионлаб мухлислари томонидан севилади.
Синди Кроуфордга машҳур холини олиб ташлашни маслаҳат беришади
Синди карьерасини ўрта мактабда ўқиётганда бошлаган. Кейин мода саноати мутахассислари қизнинг юзидаги холни кўриб, бу билан муваффақиятга эришиш анча қийин бўлишини айтишади. Унга холини олиб ташлаш таклиф қилинади.
Онасининг маслаҳати билан ёш Кроуфорд операция қилдирмасликка қарор қилади. Кўплаб нашрлар модел расмларини муқоваларида нашр этиб, уларни ретуш қилади — Синдининг табиий хусусиятини яширади. Бироз вақт ўтгач, ҳаммаси ўзгаради ва юлдузни оғиз бурчагидаги машҳур холисиз тасаввур қилишнинг иложи бўлмай қолади.
Жессика Честейнга сочларини сариққа бўяш таклиф қилинади
Бугунги кунда Жессика Честейн Голливуддаги энг ҳурматли актрисалардан биридир. Аммо шундай вақтлар бўлганки, унга роллар берилмаган. Бунга қизнинг “етарлича гўзал эмаслиги” сабаб бўлган.
Кўплаб кастинг директорлари Честейннинг қизғиш қизил сочларини ёқтиришмайди ва актрисага сочини қайта бўяшни маслаҳат беришади. “Биринчи кастингимда менга малласоч бўлишни таклиф қилишди”, деб эслайди юлдуз. Бу кулгили, чунки бугунги кунда сочини Жессика ташқи кўринишининг ёрқин қисми деб аташ мумкин.
Женнифер Лопезга озиш тавсия қилинади
Ажабланарлиси шундаки, Женнифер Лопез бир неча марта керакциз маслаҳатлар, жумладан, “бир оз озиш” тавсиясини олган. Юлдуз бу каби гапларга кескин жавоб қайтаради.
Лопес кўпинча қоматини севишини айтади. Хонанданинг позицияси шунга ўхшаш қоматга эга бўлган мухлисларининг кучли реакциясига сабаб бўлди — улар ўзларининг кумирларига эргашиб, ўз таналаридан уялишни тўхтатишди. Женнифер ўз қоматини янги стандартга айлантира олди.
Мухлислар Эмма Стоунни жуда ориқ дейишади
Стоун мухлислари томонидан бўлган босимни ҳис қилган: уни жуда нозик деб аташади ва унга даволанишни маслаҳат беришади. Эмманинг сўзларига кўра, у ойнадаги аксини танқидий кўз билан кўриб чиқади ва шундай деб ўйлайди: “Мен касал эмасман. Нега одамлар менга шундай дейди?”
Софи Лоренга бурун шаклини тузатишни маслаҳат беришади
Афсонавий актриса Софи Лорен билан ишлаган директор унинг бурнини кўрсатиб, уни кичрайтиришни маслаҳат беради. Аммо Софи қатъий рад жавобини беради.
Бугунги кунда муваффақиятли карьера яратган актриса бурни унинг шахсияти эканлигига ишонч ҳосил қилган.
Изоҳ (0)