Классик жинси шимлардан тортиб йиллар давомида муҳим ташқи кийим модели бўлган универсал пальтогача — анча йиллардан бери сифати ва машҳурлигини йўқотмаган брендлар ҳақида маълумот берамиз.
Levi’s жинси шимлари
Жинсилар ҳақида гап кетганда, биринчи ассоциация кўпинча Levi’s бренди билан пайдо бўлади. Уларнинг машҳур 501 модели ХIX асрнинг охирида яратилган, аммо ХХ асрнинг 60 йилларида ҳақиқатан ҳам машҳур бўлган. 70 йилдан ортиқ вақт ўца-да, услуб ҳали ҳам долзарб. Юлдузлар ҳам мода мутахассисларининг фикрига қўшилади. Мисол учун, Мерилин Монро 501 ни “Саргардонлар” фильмида кийган, Стив Жобс эса бу жинси шимларни ўзининг энг машҳур образига айлантирган.
Burberry тренч пальтоси
Burberry тренчини таништиришнинг хожати йўқ. 1879 йилда Томас Бурбери ноёб сув ўтказмайдиган габардин пахтасини ишлаб чиқди ва ўз дизайнини патентлади, шундан сўнг дизайнердан Британия армияси учун енгилроқ, аммо об-ҳаво шароитларига чидамлироқ янги пальтолар яратиш таклиф қилинди. Биринчи жаҳон уруши пайтида бу кийимларни хандақларда жанг қилаётган аскарлар кийган. Замонавий классик тренч пальто кўп ўзгармади ва ҳали ҳам функционал ва қулай.
Uniqlo курткаси
Uniqlo бренди анчадан бери замонавий тенденцияларга боғлиқ бўлмаган кўп қиррали ва функционал услубни яхши кўрадиганларнинг севимлисига айланди. Дунё, айниқса, юпқароқ пальто ёки кўйлак остидан қўшимча қатлам сифатида ишлатилиши мумкин бўлган енгил куртка ва пиджакларга мафтун бўлди.
Gucci Jackie сумкаси
Классик Gucci Jackie сумкаси 1950 йилларда итальян уйи томонидан ишлаб чиқилган ва дастлаб Fifties Constance деб номланган. Бироқ Жеки Кеннеди ушбу аксессуар билан бир неча бор омма олдида пайдо бўлгандан сўнг, у собиқ биринчи хонимнинг услуби билан синонимга айланди ва ҳатто унинг номини олди. Ўшандан бери Жеки бренднинг кўплаб коллекцияларида асосий сумка бўлиб келган ва кўпинча кичик ўзгаришлар билан қайта ишлаб чиқарилган. Айтганча, ушбу моделнинг мухлислари орасида нафақат аёллар, балки эркаклар ҳам бор — масалан, Гарри Cтайлз Gucci’нинг ашаддий мухлиси.
adidas Stan Smith кроссовкалари
60 йилларда тақдим этилган пойабзал дастлаб теннисчилар учун яратилган. Оқ кроссовкалар ўзининг машҳур номини 1978 йилда машҳур америкалик теннисчи Стен Смитга ҳурмат сифатида олди. Стен Смитга бўлган талабни жонлантириш учун 2014 йилда адидас пойабзални Celine’нинг собиқ креатив директори Фиби Филога таклиф қилди. Кўринишидан, маркетинг тактикаси режалаштирилганидек ишлади. Кейинги йилларда ҳамма ушбу моделга эътибор қаратди: Виктория Бекхем ва Марк Жейкобсдан Кендалл Женнер ва Зендаягача.
Hermes Birkin сумкаси
Hermes Birkin сумкаси энг муҳим сармоядир ва кўпчилик орзу қиладиган кўринишга эга. Аксессуарлар сон-саноқсиз материаллардан тайёрланиши мумкин — улар 20 соат ичида олти босқичда қўлда ишланади. Бундай абадий моделнинг нархи, албатта, қиммат — бу сумкани олиш жуда қийин, аммо иложи бор.
Dr. Martens ботинкалари
ХХ асрда 25 ёшли аскар Клаус Мартенс ва унинг дўсти ҳамда бизнес шериги Герберт Функ 70 йил ўтгач, қўпол этиклар мода ҳафталикларида мода ихлосмандларининг севимлисига ва энг машҳур пойабзаллардан бирига айланишини тасаввур ҳам қилишмаган. Кўп қиррали дизайн ва чидамлилик — пойабзал тобора кўпроқ мухлисларга эга бўлишининг асосий сабабларидан биридир.
Panthère de Cartier соатлари
Биринчи Panthère de Cartier соати 1983 йилда чиқарилган ва ўзининг улкан олтин билагузук тасмаси туфайли 80 йилларни эслатади. Ўзининг ёрқинлигига қарамай, бу вариант юмалоқ бурчакли квадрат сиферблатга бирлаштирилган олтин занжир туфайли анча ихчам кўринади. У пантера шарафига номланган ва билагузук таъқиб қилувчи йиртқичнинг чаққон ҳаракатларини эслатади.
Converse кедалари
Яна бир пойабзал, албатта, ҳеч қандай таништиришга муҳтож эмас. Converse’ни ҳамма билади ва жуда яхши кўради — янги буюмларни яхши кўрадиган юлдузлар ҳам, классик вариантларни афзал кўрадиган универсал ва функционал модани севувчилар ҳам. Америка бренди коллекциясида классик моделларни ҳам, замонавий рассом ва дизайнерлар билан ғайриоддий ҳамкорликни ҳам топишингиз мумкин.
Tiffany Т билагузуги
2014 йилда тақдим этилган Tiffany Т коллекцияси Франческа Амфитеатроф томонидан яратилган ва унинг Tiffany & Cо дизайн директори сифатидаги биринчи дизайни эди. Дизайнер ню-ёрклик аёллар услубидан ва дунёдаги энг гавжум шаҳар динамикасидан илҳомланган, бироқ айни пайтда Амфитеатрофнинг қарашлари билан ажралмас бўлган соддалик ва ихчам дизайнни ҳисобга олган. Tiffany Т билагузугининг мураккаб бўлмаган эстетикаси уни бежирим услубни севувчиларни ҳайратга солади, шубҳасиз “Т” эса логоманияни яхши кўрадиганлар учун мавқе белгиси бўлиб хизмат қилади.
Birkenstock сандаллари
Машҳур Birkenstock Arizona сандали кўп йиллардан бери мавжуд (аслида 1973 йилдан бери) ва энг қулай ҳамда арзон вариантлардан бири ҳисобланади. Бир мунча вақт улар хунук пойабзаллар тоифасига кирган бўлса-да, ҳозирда Birkenstock юлдузлар орасида универсал ва машҳур ёзги пойабзал ҳисобланади.
Chanel туфлилари
Chanel’нинг машҳур икки хил рангли туфлилари 60 йил олдин яратилган бўлса ҳам, улар ҳали ҳам энг кўп орзу қилинган пойабзаллардан бири ҳисобланади. Ҳар мавсумда француз бренди бир зумда сотиладиган янгиланган вариацияни чиқаради. Икки рангли пояфзал 1957 йилда Коко Шанель томонидан ишлаб чиқилган ва бугунги кунда ҳам долзарбдир.
Hermes соати
Hermès Birkin сумкасига ўхшаб, француз уйининг соати ҳам универсал ва машҳур, аммо кўзга ташланмайди. Одатда соатлар ўзига хос H ҳарфига эга бўлиб, камарлар тўқ сариқ, жигарранг ёки қора рангларда ишлаб чиқарилади. Классик соатларнинг нархи жуда қиммат бўлишига қарамай, бу умр бўйи фойдаланиш мумкин бўлган моделлардан биридир.
Barbour курткалари
Barbour 1845 йилда ташкил этилган ва сўнгги ўн йилликлар давомида деярли ўзгармаган ташқи кийимлари билан дунёга машҳур. Бренд узоқ вақтдан бери юқори сифатли, универсал ва классик нарсаларни қадрлайдиган Британия қироллик оиласининг севимли бренди бўлиб келган.
Изоҳ (0)