Россиянинг Украинадаги уруши бошланганидан бери дунёда савдони молиялаштиришда юаннинг улуши икки баравардан кўпроққа — 2 фоиздан 4,5 фоизгача ошди. Бу ҳақда “РБК” хабар берди.
Бу ўсиш Хитой валютасини еврога яқин рақобатчига айлантирди. Бу халқаро савдодаги умумий қийматнинг 6 фоизини ташкил қилади, — дейилади хабарда.
Юаннинг машҳурлигининг ошиши икки омилга боғлиқ:
- Россия билан савдони осонлаштириш учун Хитой валютасидан кўпроқ фойдаланиш;
- Fed ставкасининг ошиши туфайли долларни молиялаштириш нархининг ошиши.
Бир томондан, савдони молиялаштиришда Хитой валютасининг ортиб бораётган улуши юаннинг халқаролашувини тезлаштиришга интилаётган Пекин учун фойда. Иккинчи томондан, Россиянинг йирик молия институтларига SWIFT’дан фойдаланишни тақиқлаш учун санкциялардан фойдаланаётган Ғарб учун катта муаммо ҳисобланади.
3 апрель куни Bloomberg Хитой юани Ғарб санкциялари фонида Россияда энг кўп сотиладиган валютага айлангани ҳақида хабар берган эди. Агентлик Москва биржасидаги кунлик транзакция ҳисоботларини таҳлил қилиб, биринчи марта февраль ойидаги ойлик савдо ҳажмида юан долларни ортда қолдирганини, март ойида эса фарқ янада сезиларли бўлганини айтди.
Декабрь ойида Москва биржаси бошқаруви раиси Юрий Денисов 2022 йил бошидан буён мамлакатда дўстона валюталарнинг (юан, турк лираси, беларус рубли, Қозоғистон тенгеси) савдодаги улуши қарийб 70 баробар ошганини маълум қилган эди.
Изоҳ (0)