БААнинг иккинчи йирик банки Emirates NBD’нинг (ENBD) россиялик мижозлари ўз активларини қимматли қоғозлари бўйича барча тўловлар ўтказиладиган алоҳида ҳисоб рақамларига ўтказиш ҳақида огоҳлантирувчи хатлар олишни бошлади. 

Forbes мактубнинг мазмунини кўриб чиқиб, чекловлар “Европа Иттифоқи директивасига” мувофиқ киритилганини аниқлаган. БААда истиқомат қилувчи россиялик мижозлар учун истиснолар йўқ.

Мактубдан келиб чиқадики, агар россияликлар Европа Иттифоқи, Европа иқтисодий ҳудуди ёки Швейцария резидентлари бўлмаса, уларнинг активлари алоҳида ажратилган ҳисоб рақамига ўтказилади, бунда нақд пул ўтказмалари бўйича чекловлар жорий этилади. 

ENBD, ажратилган ҳисоб, шунингдек, ҳар қандай купонлар, дивидендлар ва қимматли қоғозларни сотишдан тушган тушумларни олишини айтди. Россияликлар уларни ўз ҳисобига қайтариб ололмайди.

ENBD Европа ва Швейцария кредит ташкилотлари билан бир қаторда Clearstream ва Euroclear депозитарийлари хизматларидан фойдаланади. Бу уларнинг талаблари бажарилиши шартлигини билдиради. 

Унинг сўзларига кўра, БААдаги бир қатор бошқа банклар ходимлари депозитарийлардан билдиришнома олмаган ва Россиядан келган мижозларга нисбатан ҳеч қандай чора кўришни режалаштирмаяпти.