“Барселона” Лионель Месси трансфери клубга молиявий жиҳатдан таъсир кўрсатишини кутмоқда.
Аргентиналик футболчининг қайтариш Каталония жамоасининг устувор вазифаси ҳисобланади. “Барселона” бош мураббийи Хави Леони янги мавсум режаларига киритган.
Mundo Deportivo нашрининг хабарига кўра, каталонияликлар футболчини нафақат спорт, балки, ҳиссий ва молиявий сабабларга кўра ҳам қайтармоқчи. Клубга яқин манбаларнинг маълум қилишича, бу жамоанинг кейинги мавсум умумий даромади 25 фоизини ташкил қилиши мумкин.
Қайд этилишича, пандемияга қадар Мессининг “Барселона” даромадига таъсири йилига 250-300 миллион еврони ташкил этган.
“Барселона” аргентиналик футболчига 1 ёки 2 йиллик шартнома таклиф қилади. Агар Месси иккинчи вариантга рози бўлса, клубнинг 125 йиллигига бағишланган тадбирларда иштирок этади.
35 ёшли Леонинг “ПСЖ” билан шартномаси жорий мавсум якунида ўз ниҳоясига етади.
Изоҳ (0)