Покистон диний ишлар ва динлараро келишув вазири муфтий Абдул Шакур Исломободдаги йўл-транспорт ҳодисасида вафот этди. Бу ҳақда DAWN хабар берди.
Полиция маълумотига кўра, 55 ёшли вазир шахсий машинасини ҳайдаб Покистон ҳукумат идоралари жойлашган кўчада ҳаракатланган. У машинада ёлғиз бўлган, вазирнинг автомобилига ичида беш киши бўлган ва юқори тезликда ҳаракатланган Toyota Hilux Revо келиб урилган.
Автоҳалокатдан кейин вазир касалхонага ётқизилган ва у ерда вафот этган. Toyota ҳайдовчиси эса йўловчилари билан қўлга олинган. Ҳозирда полиция воқеа юзасидан суриштирув олиб бормоқда.
Муфтий Абдул Шакур 2018 йилдан буён Покистон Миллий ассамблеяси (Парламент қуйи палатаси) аъзоси, 2022 йилдан буён дин ишлари ва динлараро келишув бўйича федерал вазир лавозимида ишлаган. Покистон президенти Ориф Алвий ва бошқа бир қанча сиёсий арбоблар фожиа муносабати билан ҳамдардлик билдирган.
Изоҳ (0)