Instagram: Озода Нурсаидованинг синглисига қимматбаҳо совғаси, КИА харид қилган Зебо Раҳимова, муҳим санани унутган Шаҳзода Муҳаммедова

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

“Уммон” гуруҳи хонандаси Зоҳид Рисқиевнинг рафиқаси Камола Ортиқова чақалоғи билан тушган видеосини эълон қилди.

Актриса Шаҳзода Муҳаммедова бемор бўлганлиги сабабли умрида илк бор туғилган кунини унутиб, даволаниш мақсадида шифокор қабулига ёздирилгани ҳақида гапириб берди.

Шунингдек Шаҳзода Муҳаммедова шогирдлари уни қандай табриклаганини фолловерларига кўрсатди.

Шаҳзода Муҳаммедова бозорга тушганида инсонлар эътиборидан узоқ бўлиш учун ниқобда юришини айтди.

Инстаблогер, хонанда Liil Хуррамов “Беном” гуруҳининг янги клипида актриса Луиза Расулованинг партнёрига айланди.

Шунингдек Вайнер Liil Хуррамов онасини туғилган куни билан табриклагани акс этган видеони эълон қилди.

Халқ ардоғидаги актриса Гулчеҳра Саъдуллаева “Шум бола” фильмини кўргиси келмаслиги, кинокартинадаги Ёқуб Аҳмедов уни ўпган саҳна ҳақида гапириб берди.

Хонанда Нилуфар Усмонова актёр Рихситилла Абдуллаев, актриса Райҳон Уласенова билан Истанбулдан кўриниш берди.

Актриса Муқаддас Саъдуллаева марҳум отаси Лутфулла Саъдуллаев ва онасининг муҳаббати ҳавас қилса арзигулик бўлганини мухлисларига сўзлаб берди.

Ўзбекистон халқ артисти Юлдуз Усмонова Марғилонда қариндошлари билан учрашгани акс этган видеони эълон қилди.

Актриса Раъно Шодиева невараси Имрон билан тушган видеосини саҳифасига жойлади.

АҚШда яшовчи актриса Гулчеҳра Эшонқулова бу ҳаётда кўрдан эмас, нонкўрдан, юзсиздан эмас, иккизюламачи инсонлардан қўрқиш кераклигини айтди.

Азиза Ёқубова ўғлининг туғилган кунини нишонлагани акс этган видеони мухлисларига намойиш қилди.

“Браво” кулги жамоаси аъзоси Шаҳло Зоирова кўзойнагини йўқотиб қўйганини, топган инсонга мукофот пули беришини айтди.

Актриса Шаҳноза Ҳожиматова 11 йил олдин тақдир йўллари айро бўлиб, вақт ўтиб яна туташган инсон билан турмуш қураётгани, қайнбувиси Олмахон Ҳайитованинг уни келин қилиш нияти бўлгани ҳақида гапириб берди...

Лола Каримова турмуш ўртоғи Тимур Тиллаев билан тушган видеосини эълон қилди.

Актриса, инстаблогер Феруза Норматова инсон ҳаётда ўзини англагани сари Аллоҳ берган ўзидаги баъзи неъматларни сева бошлашини айтди.

Вайнер ва қўшиқчи Азода қўли синганлиги сабабли “Болливуд баттл” лойиҳасидаги иштирокини якунлаганини маълум қилди.

Умидахон Дубайда дам олаётгани акс этган видеони саҳифасига жойлади.

Хонанда Шоҳруххон онаси Зебо Наврўзовани туғилган куни билан табриклади.

Одина Тўхтасинова яна бир бор Умра сафарини адо этди.

Актриса Луиза Расулова инсон ҳаётдаги орзуларини амалга ошириши учун ҳаракат қилиши кераклиги ҳақида фикр билдирди.

Актриса Ҳалима Ибрагимова ҳар бир инсоннинг уйида онасини эслатувчи кийимлар бўлишини айтди ва онасидан қолган кўйлакни мухлисларига кўрсатди.

Хонанда Малика Равшанова янги сурати билан кўриниш берди ва инсон орзуларига эришиши учун баъзи керакциз нарсалардан воз кечиши кераклигини айтди.

Актёр Улуғбек Холмедов суратга олиш жараёнида травма олгани акс этган видеони эълон қилди.

19 ёшли актриса Зебо Раҳимова ўзи ишлаб топган пулга Киа автомобилини харид қилгани ҳақида сўзлаб берди.