Оппоқ тишлар билан табассум қилиш нафақат гўзаллик, балки саломатлик белгисидир. Шу боис тиш эмалининг сарғайиши долзарб муаммодир. Бундан ташқари, эстетик жиҳатдан у психологик ҳолатга айланиб, одамга ноқулайлик ва мулоқотда қийинчилик туғдиради.
Бу муаммодан қутулиш учун бирор чорани қўллаб кўришдан аввал эмал рангининг ўзгаришига олиб келган сабабни аниқлаш керак. Келинг, энг кенг тарқалган сабабларни қуйида кўриб чиқамиз.
- Оғиз гигиенасига амал қилмаслик
Тишлардаги бляшка кўпинча бир неча хил: жигарранг, сариқ ва оқиш. Биринчиси кўзга ташланса, иккинчиси деярли сезилмайди. Аммо ҳар қайсиси тиш саломатлигига путур етказади. Бундай бляшкалар тиш юзасини юпқа плёнка билан қоплайди ва унга сариқ ранг беради.
Нима қилиш керак? Бляшка профессионал оғиз тозалаш воситаси билан осон тоза бўлади. Тишларни ярқиратиб қўяди.
- Рангли овқатлар ва ичимликлар истеъмол қилиш
Рангли озиқ-овқат ва суюқликлар тишларга бляшка қолдиради. Агар тиш юзасида майда ёриқлар бўлса, унда кучли ранг берувчи моддалар чуқур кириб, тишни ичкаридан бўяб қўйиши мумкин.
Нима қилиш керак? Биринчи галда профессионал гигиена воситаси ёрдам беради ва оқартириш. Эмалдаги микроёриқлар пайдо бўлишининг сабаби асосан бир хил — озиқ-овқатни нотўғри тишлаш туфайли юзага келадиган тишларнинг ортиқча зўриқиши ҳисобланади.
- Тамаки маҳсулотлари
Кўпчилик тамаки тишларни сарғайтиришини билмайди. Чекишдан қоладиган сарғиш ранг озиқ-овқатдан қоладиган ранг билан бир хил принципга мувофиқ содир бўлади: ё сарғайган қобиқ пайдо бўлади ёки тиш микроёриқлари орқали ичкари томондан сарғайиб қолади.
Нима қилиш керак? Бу ҳолда юқоридаги тавсияларни қўллаш фойда беради.
- Тишлардаги кариес
Фото: Лиса
Бунда кўзга ташланиб турадиган эмалнинг шикастланиши шарт эмас. Кариес яширин тарзда ривожланиши ва тишнинг ички қисмидан белги бериши мумкин. Бу касаллик ҳам тишни сарғайтиради.
Нима қилиш керак? Кариесни даволаш чорасини кўриш лозим. Даволаш йўли билан тишларингиз соғлом бўлади ва сарғишликдан ҳам халос бўласиз.
- Туғилгандан буён тишларнинг физиологик ранги
Табиатан эмал тишларнинг гуруҳига қараб турли рангда бўлади. Табассум вақтида олдиндаги марказий тўртта тиш ҳар доим ён томондаги тишларга қараганда ёрқин кўринади. Бу табиий ҳол, чунки улар узун илдизларга эга бақувват тишлар ҳисобланади. Визуал равишда ён тишлар қуюқроқ кўринади, чунки уларнинг эмал қавати остида кесувчи тишларга қараганда қалинроқ, ранги сариқ бўлган дентин қатлами бор.
Нима қилиш керак? Муаммони ҳал қилиш учун тиш шифокорингизга мурожаат қилишингиз лозим, мутахассис энг тўғри йўлни танлайди.
- Илдиз каналини илгари даволаш муолажаси
Асаб томирини олиб ташлаганингиздан сўнг, тиш қуюқроқ равишда сарғая бошлайди. Бундай ҳолларда вазиятни тўғрилаш учун сабаб изланади.
Нима қилиш керак? Бу вазиятда илдиз каналларини қайта тиклаш ёки ички коронал оқартириш ёрдам бериши мумкин.
- Тиш едирилиши
Табиий ёки ортиб бораётган ишқаланиш туфайли тиш аста-секин едирилади. Эмал бўлмаган баъзи жойларда дентин ўзини намоён қила бошлайди. Бу қатлам тузилиши жиҳатидан кучли зич бўлмагани учун бўёқларни яхшироқ ўзлаштиради, яъни тишлар тезроқ сарғаяди.
Нима қилиш керак? Сариқлик аллақачон визуал равишда кўринадиган ҳолларда, профессионал оқартириш ёрдам беради. Ва муаммонинг олдини олиш учун ишқаланишнинг асосий сабабини — нотўғри тишлаш муаммосини бартараф этиш зарур.
- Тишларнинг шикастланиши
Жароҳатдан кейин кўпинча тиш ичидаги нейроваскуляр тугунлари нобуд бўлади. Сўнгра тишлар ёрқинлигини йўқотади ва хиралашади.
Нима қилиш керак? Бундай ҳолларда жароҳат олгандан кейин имкон қадар тезроқ мутахассисга мурожаат қилиш ва оқилона даволаниш керак.
- Сифати паст оқартириш воситаларидан фойдаланиш
Фото: Лиса
Илмий тадқиқотлардан ўтмаган, сертификатланмаган турли воситалардан фойдаланганда, улар тиш эмалига зарар етказиши мумкин. Бундай воситалар тиш эмалининг тузилишига, силлиқлигига салбий таъсир қилиб, кейинчалик ғовак ҳосил бўлишига олиб келади. Кейин тишлар ташқи бўёқларга нисбатан сезгир бўлиб қолади, яъни тиш уй шароитида оқартиришдан сўнг тез орада олдингидан ҳам қуюқроқ рангга қайтади.
Нима қилиш керак? Мутахассисларга мурожаат қилиш ва муолажадан олдин ва кейин уларнинг тавсияларига амал қилишни унутманг.
- Ўзаро боғлиқ патологиялар
Айрим ҳолларда турли органларнинг касалликлари, жумладан, жигар, буйраклар билан боғлиқ муаммолар оғиз бўшлиғида намоён бўлади. Шу тариқа сариқлик (жигар шикастланиши) билан нафақат кўзнинг оқи, балки тишлар ҳам рангини ўзгартириши мумкин.
Нима қилиш керак? Шифокорларнинг ўз вақтида текшируви бу муаммони бартараф этишга ёрдам беради.
Умуман олганда, тишларнинг рангини яхшилаш учун клиникада профессионал оқартиришни ўтказишнинг қатор афзал томонлари бор. Чунки мутахассис муолажани эҳтиёткорлик билан, самарали ва ажойиб натижалар билан бажаради. Тегишли сертификатга эга бўлган оқартириш воситаларидан ҳам мустақил фойдаланишингиз мумкин. Ва ҳар олти ойда бир марта профессионал оғиз гигиенаси билан шуғулланинг ҳамда тиш шифокори текширувидан ўтинг.
Изоҳ (0)