Статистика агентлиги 2023 йилнинг 1 январь ҳолатига (мажбурий техник кўрик натижаларига кўра) жисмоний шахсларга тегишли бўлган энг оммалашган енгил автомобиллар сонини маълум қилди.
Маълумотларга кўра, ўзбекистонликларга тегишли бўлган энг оммалашган енгил автомобиллар сонида Nexia етакчилик қилмоқда — 752 490 дона. Ундан кейинги ўринларни мос равишда 529 934 дона ҳамда 404 746 дона бўлган Damas ва Cobalt эгаллади.
Ушбу кўрсаткич қолган автомашиналар кесимида қуйидагича кўринишга эга:
- Lacetti — 390 538 дона;
- Spark — 352 085 дона;
- Matiz — 296 442 дона.
Аввалроқ Статистика агентлиги Тошкентда ҳар минг кишига ўртача 193 та енгил автомобиль тўғри келаётганини маълум қилганди. Иқтисодий тадқиқотлар ва ислоҳотлар марказининг маълум қилишича, Ўзбекистонда февраль ойида автомобиль бозорида фаолликнинг пасайиши қайд этилган. Бир ой давомида сотилган автотранспорт воситалари сони 123,4 мингтани ташкил этиб, жорий йилнинг январь ойига нисбатан 2,5 фоиз ва ўтган йилнинг февраль ойига нисбатан 3,8 фоизга камайди.
Изоҳ (0)