Қашқадарё вилояти Қарши шаҳрида оққонга чалинган болаларни халқаро стандартлар бўйича 24 соат ичида аниқ ташхислаш йўлга қўйилди.
Маълум қилинишича, замонавий тиббий ускуналар билан жиҳозланган вилоят болалар кўп тармоқли тиббиёт маркази лаборатория бўлимида вилоятлар орасида биринчилардан бўлиб бу имконият яратилган.
Шу пайтга қадар оққон миеолограммаси таҳлил учун Қашқадарёдан пойтахтга жўнатилган. Айни пайтда Самарқанд ва Сурхондарё вилоятларидан келтирилган намуналар ҳам Қаршидаги лабораторияда таҳлил қилинмоқда.
Бу ерда аниқлаш қийин бўлган туғма-ирсий (орфан) касалликлар бўйича ҳам ситоморфологик текширув орқали ташхис қўйилмоқда. Бўлим морфолог врач-лаборанти Зебинисо Холмуродова Германияда малака оширган. Айни пайтда у шу йўналишда илмий фаолият билан ҳам шуғулланмоқда.
Изоҳ (1)
Assalomu Alaykum Qarshini qayerida ekan bu muassasa