Қозоғистонда Мажилис депутатлари Олтой Аманжол ва Жанарбек Ашимжонов болалар ва ўсмирлар ўртасида TikTok ижтимоий тармоғини тақиқлашни таклиф қилди. Бу ҳақда Zakon.kz хабар берди.
Икки депутат бош вазир ўринбосари Алтай Кулгинов ва бош прокурор Берик Асиловга тегишли сўров юборган.
“Вояга етмаганлар ва ўсмирлар ўртасида чексиз кўп видеоларни тақдим этувчи TikTok ижтимоий тармоғини тақиқлаш керак”, — деган депутатлар.
Сўровда ўсмирлар ўртасида охирги пайтларда ўз жонига қасд қилиш ва бахтсиз ҳодисалар тез-тез учрагани қайд этилган. Бу мактабда, оилада, замонавий жамиятда болаларни тарбиялаш муаммоси оқсоқланганидан далолат бериши келтирилган.
“Туркистонда мактаб ўқувчисининг ўлими бутун мамлакатни ларзага солди. Бу болани ваҳшийларча тепган ўсмирларнинг ахлоқсиз хатти-ҳаракати натижасидир. Уст-Каменогорскда қизни шафқатсизларча калтаклаган ўқувчи қизларнинг жирканч қилмишлари ҳам бор. Мана шулар сабабли ижтимоий тармоқни блоклаш керак”, — деган депутатлар.
Изоҳ (0)