Фарзанд тарбиясида отанинг ҳам, онанинг ҳам ўзига яраша ўрни бор. Бироқ ҳаётда ҳеч нарса тўкис бўлмаганидек, баъзан фарзандлар нотўлиқ оилаларда вояга етади. Ўзбек шоу-бизнеси вакиллари орасида омадсиз турмуши ёки турмуш ўртоғининг вафоти сабаб фарзандини ёлғиз тарбиялаётган аёллар кўп.
Милена Мадмусаева
Милена Мадмусаева 2016 йили ўз продюсери Абдуҳамид Халиловга турмушга чиққанди. Жуфтлик 2017 йилнинг 1 апрель санасида қиз фарзандли бўлишган. Афсуски, орадан кўп ўтмай уларнинг ажрашгани ҳақидаги хабарлар тарқади. Айни дамда Милена Мадмусаева қизи Сорани ёлғиз тарбияламоқда.
Азиза Ёқубова
“Журналист” сериалидаги роли билан танилган актриса Азиза Ёқубова 2020 йили иккинчи бор турмушга чиққанди. Анча йил Ясмина исмли қизи билан ёлғиз яшаган актрисага барча бахт тилаганди. Афсуски, Азиза орадан олти ой ҳам ўтмай, хиёнат туфайли эри билан келишмовчиликка боргани ҳақида маълум қилди. Унинг иккинчи турмушидан Муҳаммадамир исмли ўғли бор. Ҳозирги кунда у икки нафар фарзандини ёлғиз тарбия қилмоқда.
Нилуфар Усмонова
Хонанда Нилуфар Усмонова эрта турмушга чиққан. У 17 ёшида ёш ҳуқуқшунос Новзод Саидгазиев билан оила қурган. Улар 2004 йили ўғил фарзандли бўлишди. Афсуски, уларнинг турмуши узоққа бормай дарз кетди. Шундан сўнг хонанда яна оила қуриб, тўрт нафар фарзандни дунёга келтирди. Ҳозирда хонанда беш фарзандини ёлғиз катта қилаётганини айтади.
Дилноза Кубаева
Дилноза Кубаева 2008 йили ўз мухлиси билан оила қурган. Актрисанинг айтишича, раҳматли турмуш ўртоғи уни “Келгинди келин” фильмида кўриб, ёқтириб қолган. Афсуски, оғир хасталик сабаб турмуш ўртоғи 30 ёшда вафот этган. Актриса ҳозирда Муҳаммадамин исмли ўғлини тарбияламоқда.
Ситора Алимжонова
Актриса Ситора Алимжонова 2017 йили тошкентлик тадбиркор билан оила қурган. Уларнинг тўйи Таиланднинг Пхукет оролида бўлиб ўтган. Аммо тўй суратларининг бирортасида куёв кўринмаган. Актриса сўнгги суҳбатларида ёлғиз эканлиги ва ўғли Муҳаммадаминнинг тарбияси билан бандлигини маълум қилган.
Севинч Мўминова
Севинч Мўминова ҳам бир неча йилдан буён қизи Лейлани ёлғиз тарбиялаб келмоқда. Унинг Шароф Муқимов билан турмуши етти йил давом этган. Шароф Муқимов оила қурган, Севинч Мўминова эса ҳали оила қургани йўқ.
Ҳуснора Шодиева
Бошловчи Ҳуснора Шодиеванинг тўйи катта шов-шувларга сабаб бўлган бўлса-да, бахтли кунлари узоққа чўзилмади. У ҳомиладорлик чоғидаёқ оилавий келишмовчиликлар сабаб турмушидан ажрашган. Ҳозирда у Салим исмли ўғлини ёлғиз тарбияламоқда. Ҳуснора Шодиева интервьюларининг бирида уйланмаган йигит унга совчи қўйгани, аммо ўғлини онасига қолдиришни сўрашганида у рози бўлмагани ҳақида гапириб берган.
Камила Гимандинова
“Қадам” сериалидаги роли билан томошабинлар эътиборига тушган актриса Камила Гимандинова ҳам қизи билан ёлғиз яшамоқда. Унинг ҳам турмуши бор-йўғи бир неча ой давом этган. Актриса турмуш ўртоғи билан ажрашишига жиддий сабаблар бўлгани ва ҳозирча қизи Айлинни ёлғиз тарбиялаётганини айтган.
Феруза Жуманиёзова
Хонанда Феруза Жуманиёзова 2010 йили синфдоши билан оила қурган. Афсуски, орадан кўп ўтмай ижодкор оиласи дарз кетганини маълум қилди. Ҳозирги кунда у ўғли Абдуллоҳни ёлғиз тарбияламоқда.
Изоҳ (0)