Ўзбекистон ва Россия етакчилари савдо-иқтисодий ҳамкорликнинг долзарб масалаларини муҳокама қилди, деб хабар бермоқда Президент матбуот хизмати.
Маълум қилинишича, Шавкат Мирзиёевнинг 11 апрель куни Россия президенти Владимир Путин билан ўтказган телефон орқали мулоқотида товар айирбошлаш суръатларини таъминлаш ва қўшма кооперация лойиҳаларини амалга оширишга қаратилган биринчи галдаги чора-тадбирлар муҳокама қилинди.
Икки мамлакат ишбилармонлари ва ҳудудлари даражасидаги амалий ҳамкорликни илгари суришда апрель ойининг охирида Тошкент шаҳрида ўтказиладиган “Иннопром” халқаро саноат кўргазмаси имкониятларидан самарали фойдаланиш масаласига алоҳида эътибор қаратилди. Маданий-гуманитар алмашинув дастури дорасидаги ҳамкорлик сермаҳсул бўлаётгани мамнуният билан қайд этилди.
Ўзбекистон ва Россия раҳбарлари, шунингдек, бўлажак икки ва кўп томонлама тадбирлар режасини ҳам кўриб чиққан.
Изоҳ (0)