Журналистика университетининг бинолари орасида ёриқ пайдо бўлгани тўғрисида хабар берилганди. Қурилиш ва уй-жой коммунал хўжалиги вазирлиги ҳолатга расмий муносабат билдириб, университет биносидаги ёриқлар юқори хавф даражасига эга эмаслигини маълум қилди.
Қайд этилишича, Юнусобод тумани Қиёт кўчасида жойлашган Ўзбекистон журналистика ва оммавий коммуникациялар университети биносида юзага келган ёриқлар масаласи Тошкент шаҳар қурилиш соҳасида ҳудудий назорат инспекцияси томонидан жойига чиқиб ўрганилган.
Маълум қилинишича, ушбу ёриқлар университетнинг эски мавжуд биноси ҳамда ўтиш йўлаги оралиғида ҳосил бўлган. Икки бино ўртасидаги махсус чок (“температурний шов”), йиллар давомида ташқи омиллар таъсирида юзага келган.
Таъкидланишича, эски мавжуд бино 1978 йилда лойиҳалаштирилган ва шу кунга қадар унда реконструкция ишлари амалга оширилмаган.
Ёриқлар билан боғлиқ ҳолатнинг 2019 йил Инвестиция дастури асосида қуриб, фойдаланишга топширилган университетнинг янги биноларига умуман алоқаси йўқ. Бу бино ғишт деворидаги ёриқлар эмас”, — дейилади муносабатда.
Шунингдек, ўрганиш ишлари давомида бино пойдевори ҳам кўздан кечирилган. Визуал текширув натижасига кўра пойдеворда чўкиш аломатлари мавжуд эмас.
Тошкент шаҳар Шайхонтоҳур туманида қурилаётган кўп қаватли уйлардан бири қийшиқ қурилаётгани айтилган видео тарқалганди. Қурилиш ва уй-жой коммунал хўжалиги вазирлиги ҳолатга муносабат билдириб, мазкур объект замонавий архитектура намунаси сифатида ўзига хос дизайн асосида лойиҳалаштирилгани, бу бино конструктив элементларида камчиликлар борлигини англатмаслигини маълум қилган эди.
Изоҳ (0)