2023 йилда Россиядан Ўзбекистонга тахминан 1 миллион киши сайёҳ сифатида келади. Бу ўтган йилга нисбатан (567 минг киши) деярли икки баравар кўп. Бу ҳақда Ўзбекистоннинг Ростов-Дондаги бош консули Бархон Алиқуловга таяниб, “ТАСС” хабар берди.
Бу йил биз Россиядан миллионга яқин сайёҳ келишини кутмоқдамиз. Бунинг учун бизда барча имкониятлар мавжуд, бироқ Россия учун Ўзбекистоннинг субтуроператорлари билан ҳамкорликни янада фаоллаштиришимиз керак, — деди у.
Алиқуловнинг аниқлик киритишича, 2022 йил охирида россияликларнинг Ўзбекистонга сайёҳлик оқими 567 минг кишини ташкил қилган. У Ўзбекистонда архитектура-маданий туризмдан ташқари, бошқа соҳалар: экотуризм, спорт ва ишбилармонлик туризми ҳам фаол ривожланаётганини таъкидлади.
Бундан ташқари, Бош консулнинг сўзларига кўра, 24-26 апрель кунлари мамлакатда Иннопром халқаро саноат кўргазмасининг ўтказилиши ишбилармонлик туризмининг ривожланишига ижобий таъсир кўрсатади.
Ҳозир ривожланаётган гастро-туризм алоҳида масала. Ўзбекистонда бўлганингизда исталган объектга боришдан бош тортишингиз мумкин, лекин ўзбек таомидан воз кечишнинг иложи йўқ. Бу хорижлик меҳмонларимизнинг баёноти, — дейди у.
Ўзбекистон Шимолий Кавказ билан ҳам зиёрат туризмини ривожлантиришни режалаштирмоқда. Бунинг учун минтақаларга тўғридан тўғри авиақатновлар йўлга қўйиш ҳам режалаштирилган.
Ҳозир биз зиёрат туризми бўйича фаол ишлай бошладик, асосан Шимолий Кавказ минтақалари билан — Чеченистон, Доғистон билан аллақачон маълум туристик пакетларни ишлаб чиққанмиз.Эндиликда биз ҳам тўғридан тўғри авиақатновларни йўлга қўйиш устида ишлаяпмиз. Бу ҳамкорликни фаоллаштиришга хизмат қилмоқда. Биз сайёҳлик компаниялари билан яқиндан ҳамкорлик қилишимиз керак, — деб тушунтирди Алиқулов.
Аввалроқ россияликлар иш излаётган энг машҳур мамлакатлар маълум бўлгани ҳақида хабар берилганди.
Изоҳ (0)