7 апрель актёрнинг туғилган куни муносабати билан унинг ҳаётидан қизиқарли фактларни тўпладик.
Жеки Чан кўпчиликка ўзининг жанг санъати ва акробатик трюклари билан танилган. Жангари фильмларда у енгил ҳазиллари ва ширин табассум билан тарангликни бартараф этишга ва томошабинни чалғитишга муваффақ бўлади.
Бироқ актёрлик касби унинг бой маънавий олами пардасини очадиган саноқли фаолият турларидан бири эканлигини кам одам билади.
Бир умрлик таълим
Жеки Чан хитойлик бўлишига қарамай, унинг она тилида ўқиш ва ёзиш қобилияти жуда паст. Гап шундаки, унинг мактабида махсус грамматика дарслари бўлмаган ва дарсларда у ўқитувчиларни тинглагандан кўра кўпроқ синфдошлари билан ўйнаган.
Шу сабабли актёрнинг уйида компакт дисклар, киножурналлар ва хитой ҳамда инглиз тиллари грамматикаси бўйича дарсликлар бўлган жавонлар бор. Чан она тилидаги талаффузини мукаммаллаштиришни ва мактабда ололмаган билимларини эгаллаш ниятида.
Эҳтиёткор одам
Жеки режиссёрлар таклиф қилган ролларни алоҳида эътибор билан танлайди. Гап шундаки, актёр ижодининг бошида ўзига бир шарт қўйган: у зўравонлик ва қон тўкиладиган, сўкиниш ва эротик саҳналар бўлган фильмларда рол ўйнамайди. У бу қарорини болаларнинг уни аниқ кадрларда кўришини истамаслиги билан изоҳлайди.
Бир кун ҳам спортни унутмайди
Актёрнинг иш тартиби, албатта, эрталаб 10 километр масофага югуриш, чўзилиш, суратга олишдан олдин жанг санъати ҳаракатлари машқларини ўз ичига олади. Буларнинг барчасини бажариш учун Чан 3 соат шуғулланади. Ўзининг айтишича, агар тиғиз иш жадвали бўлмаганида, узоқроқ машқ қилган бўларди.
Одатдаги вазнини сақлаб қолиш учун Жеки маълум бир парҳезга риоя қилмайди. Аммо у кунига сабзавотли денгиз маҳсулотлари истеъмол қилади, лекин гўштдан қочади, чунки у ошқозонига оғирлик қилади.
Касалхона ва инексиялардан қўрқади
Чан деярли барча хавфли трюкларни ўзи бажаради. Гарчи у ҳамма ҳолатга кўниккан бўлса-да, камералар ёқилгач, ҳаяжонланиб ташвишга тушиб қолади ва нотўғри ҳаракат қилиб қўйишдан қўрқади.
Бироқ Чан қўрқадиган нарсалар ҳам бор: у шифокорга боришдан қўрқади, агар трюкни кўнгилдагидек бажаролмаса, касалхонага боришига тўғри келади. Касалхонага келганида эса ҳамшира укол қилмаслигини, бунинг ўрнига қўли синганлигини айтишини сўрайди.
Онасининг у ҳақида қайғуришига йўл қўймади
Олдинги фактнинг давоми сифатида — Жеки онаси Лилига ҳеч қачон муваффақиятсиз чиққан ҳаракатлари ҳақида айтмаган, чунки у у ҳақида қайғуришини билади.
Шунга қарамай, бир марта Жеки касалхонада бўлганида онаси газетадан ўғли шифокорга кўрсатилаётгани ҳақида ўқиб қолади. Чан уни тинчлантиришга уриниб, журналистлар миш-мишларга кўпроқ эътибор беришини айтади.
Лили ундан жароҳатланган жойини кўрсатишни сўраганида, у алдайди ва соғ жойини кўрсатади.
Мусиқани севади
Актёр нафақат кадрда, балки саҳнада ҳам истеъдодли. Жеки Hong Kong, Мy Lovе, А Boy's Life ва With Аll One's Heart каби бир нечта альбомларини ёзган.
Унинг энг севимли қўшиғи Ocean Дееп ва у инглиз тилида куйлашни яхши кўради, чунки шу йўл билан у бошқа тилда машқ қилади.
Хайрия ишлари
Жеки Чан бошқаларга бефарқ эмас, муҳтож болаларга ёрдам беради. Масалан, у меҳрибонлик уйларига барча керакли нарсаларни юборади, пул ўтказади ва улар билан учрашувлар ташкил қилади.
1988 йилда Жеки Хитой халқига ёрдам кўрсатадиган ва мактаб ўқувчилари ва талабаларига стипендиялар ажратадиган Жеки Чан фондини яратди. Сал ўтмай у мол-мулкининг ярмини камбағалларга васият қилишини эълон қилди.
Кейинчалик актёр 50 нафар болани ўз қарамоғига олди, 10 нафар етим болани асраб олди ва Жеки Чан касалхонасини ташкил қилди.
Хилма-хил ҳоббилари
Жеки бўш вақтини табиатда ўтказишни афзал кўради ва ундан ҳам яхшироқ — балиқ овлашни яхши кўради.
Актёрнинг яна бир ҳоббиси бу — автомобиллар. У пойга автомобилларини йиғишни яхши кўради: Lamborghini Aventador, Lamborghini Мurcielago ва Bentley Mulsanne коллекциясидаги кам сонли машиналардан ҳисобланади.
Шиори
Жеки Чаннинг ҳаёти унинг шахсий шиори билан уйғунлашиб кетган: “Қўрқув бўлмаса, дублёр ҳам бўлмади, натижада сенга тенг келадиганлар ҳам бўлмайди”.
Изоҳ (0)