Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актриса, дизайнер Шаҳзода Муҳаммедова Умра сафаридаги сўнгги кунида мухлислари учун махсус ибратли видео тайёрлаб, саҳифасига жойлади.
Инстаблогер Дили.ме хонанда Ҳамдам Собировнинг “Биринчи севгим” номли янги таронасига ишланган видеоклипда актриса Райҳон Асадованинг партнёрига айланди.
Асилбек Амануллоҳ ўғлига Мустафо, қизларига Увайсий, Моҳидаврон, Беназир деб исм қўйгани ҳақида гапириб берди.
Хонанда Умидахон ўғли Муҳаммадалини туғилган куни билан табриклаб, яхши тилакларини билдирди.
Актриса Асал Шодиева туғилган кунида ҳам янги лойиҳанинг суратга олиш жараёнларида иштирок этгани ва ижодий жамоаси уни қандай табриклагани ҳақида обуначиларига сўзлаб берди.
Хонанда Воҳиджон Исоқов Умра сафарида тушган суратини мухлисларига кўрсатди.
“Havas” гуруҳи хонандаси Шаҳноза 7 апрель куни туғилган кунини нишонлади. Хонанда яқинлари уни табриклагани акс этган видеони саҳифасига жойлади.
Актёр, инстаблогер Жамшид Бобожонов шоу-бизнесдаги яқинлари — хонанда Нилуфар Усмонова билан Ҳалима Ибрагимованинг хонадонида ифторлик қилгани ҳақида мухлисларига гапириб берди.
Актриса Муборак Абдуллаева келинлик образида тушган суратини фолловерларига намойиш қилди. У, шунингдек, инсон сохта бўлмаслиги кераклигини, ҳар доим ўзида бор хислатларни атрофдагиларга кўрсатиши муҳимлигини айтди.
.jpg)
Актёр Тоживой Шукуров неварали бўлди. Унинг ўғли хонанда Иззат Шукуров чақалоқни туғуруқхонадан олиб чиқиш жараёни акс этган видеони мухлисларига кўрсатди.
Турк актёри Эмре Кивилжим севгилиси, ҳамкасби Юлдуз Ражабова билан тушган суратини обуначиларига тақдим этди.
Актриса Мафтуна Шокирова ота-онасига Умра сафари йўлланмасини совға қилгани акс этган видеони обуначиларига намойиш қилди.
Актриса Дилноза Кубаева машинани тез ҳайдаб, йўл қоидаларини бузгани ва кўп жарима тўлаши ҳақида гапириб берди.
“Ойбек ва Нигора” дуэти хонандаси Нигора янги сурати билан кўриниш берди ва йил фаслларини тасвирлаб, мухлисларидан қайси фасл ёқишини сўради.
Хонанда Дилдора Ниёзова тез кунда янги таронасини мухлисларига тақдим этишини маълум қилди. Шунингдек, у аёллардан турмуш ўртоғини эҳтиёт қилишларини сўради.
Актриса Муқаддас Саъдуллаева арзимас сабаб билан турмуши бузилишига оз қолгани, оиладаги барча гап-сўзларга сабр қилиш кераклиги ва Йигитали Мамажонов билан қайнонаси, холалари ёрдами билан ярашгани ҳақида сўзлаб берди.
Изоҳ (0)