“Турмуш ўртоғим ўқитувчиликни ташлаб, мардикорлик қиляпти” (видео)

“Меҳридарё” лойиҳасига Сурхондарё вилояти Қумқўрғон туманида яшовчи Мадина Фармонова мурожаат қилиб, уч ёшли ўғлини даволатиш учун халқдан ёрдам сўради.

— Ноябрь ойида ўғлимга оққон ташхисини қўйишди. Ундан аввал узоқ вақт иситмалаб, оёқлари бутунлай юришдан тўхтаганди. Ҳозирги кунда Тошкентдаги болалар гемотология касалхонасида даволаняпмиз.
Турмуш ўртоғим қишлоғимизда ўқитувчи бўлиб ишларди. Моддий қийинчиликлар ва ўғлимга кўп қон керак бўлгани учун ўқитувчилик ишини ташлаб, Тошкентда ёлланма ишчи бўлиб ишлаяпти. Аммо унинг кунлик даромади ўғлимни даволатишга ва ижара уйга чиқишимизга етмаяпти. Кимётерапия учун давлат томонидан ҳам дорилар берилади, аммо улар орасида ўзимиз олишимиз керак бўлганлари ҳам бор. Улар жуда қиммат. Беш ойдан буён Тошкентдамиз, ижара пуллари ҳам қимматлик қиляпти. 
Ўғлим беш ойдан буён юрмаяпти. Кечаси билан оёқлари оғриб, йиғлаб чиқади. Ўғлимнинг соғайиб кетиши учун уни 18 ой давомида даволатишимиз керак экан. Яхши инсонлар, сизлардан ўтиниб сўрайман, агар имконингиз бўлса, Тошкентда вақтинча яшашимиз учун жой беринглар. Дори-дармонларни олишимиз учун қўлларингиздан келганча кўмаклашинглар, — дейди бемор Исломбек Соатмуродовнинг онаси.

Исломбек Соатмуродовга хайрия қилишни истасангиз,

9860 0803 5187 0102 (Мадина Фармонова)

Мурожаат учун: +99897 454-35-03