“Меҳридарё” лойиҳасида тошкентлик икки нафар фарзанднинг онаси Роҳатой Ирисматова мурожаат қилиб, танг аҳволда қолганини айтиб, халқдан ёрдам сўради.
— Икки нафар фарзандимни ёлғиз катта қиляпман. Турмуш ўртоғим биздан воз кечганидан кейин, болаларим билан кўчада қолдик. Оилавий стресслар сабаб псориаз касаллигини ортириб олдим.
Уй-жойим йўқ, отам ўлимидан аввал қизлик уйимизни сотган экан. Уйнинг янги эгаси мени суд орқали рўйхатдан ўчиртирди.
Псориаз касаллиги суяк емирилишига ҳам сабаб бўлар экан. Кундан кунга аҳволим ёмонлашяпти. Шифокорлар менга қиммат доридан 20 та олишим кераклигини айтди. Аммо уни сотиб олишга ва даволанишга имкониятим йўқ. Онкология касалхонасига ҳам боришим кераклигини айтишди. Аммо мени қабул қилишгани йўқ. Бепул даволанишим учун ID карта олишим керак экан. Аммо мен рўйхатга турмай туриб, ID карта ололмас эканман.
Бу масалада ёрдам сўраб Чилонзор туман ҳокимиятига ва аввал яшаган “Хирмонтепа” маҳалласидаги раҳбарларга мурожаат қилдим. Ҳатто, ҳокимиятга бензин олиб бориб, ўзимни ва болаларимни ёқаман ҳам дедим. Аммо ҳеч ким додимни эшитгани йўқ.
Чилонзор туман депутатларига телефон қилдим, бир нечта раҳбарларнинг эшигини тақиллатдим. Аммо ҳеч қандай натижа бўлаётгани йўқ.
Мен ҳам Ўзбекистон фуқоросиман, менга бўлмаса ҳам икки норасида фарзандимга раҳмингиз келсин. Даволанишим учун ёрдам беринглар, яшашни ва фарзандларимни ўзим оёққа қўйишни истайман.
Ҳамма нарса Аллоҳдан дардни берган шифосини ҳам ўзи беради. Аммо кимдир сабабчи бўлади. Ишонаманки, сизнинг ёрдамингиз сабаб ҳаётим яхши томонга ўзгаради, — дейди бемор Роҳатой Ирисматова.
Ирисматова Роҳатойга хайрия қилишни истасангиз,
8600 0609 4538 5715 (Ирисматова Рохатой)
Мурожаат учун телефон: +99891 003-61-16
Изоҳ (0)