“Қизим пулсизликдан Россияга кетди, набирам эса июнь ойидан буён касалхонада” (видео)

“Меҳридарё” лойиҳасига Жомбой туманида яшовчи аёл мурожаат қилиб, набираси Ибрагимов Ҳумоюнни даволатиш учун халқдан ёрдам сўради.

— Қизим уч нафар фарзанди билан турмушдан ажрашган. Молиявий қийинчиликлар сабаб Россияга ишлагани кетган эди. Бир ой ўтмай кенжа ўғли Ҳумоюннинг оёқлари шишиб, юролмай қолди. Шифокорлар оққон ташхисини қўйишди. Қизим ҳам ишлолмай жўнатган пулим билан яна Ўзбекистонга қайтди.
Июнь ойидан бери набирам билан Тошкентдаги касалхонадамиз. Қон керак бўлганида куёвимга ҳам қариндош-уруғларига ҳам вазиятни тушунтирдим. Аммо ҳеч бири хабар олишмади. Куёвим бир марта бўлса ҳам, боласини кўргани келмади. 
Набирамнинг касали орада яна қайталаниб қолди. Қулоқлари деярли эшитмай қолган. Оёқлари кучсиз бўлгани учун бемалол ҳаракат ҳам қилолмайди. 
Ўғлим кунлик ишга чиқади. Машинасини сотиб жиянига дорилар олиб берди. Ҳозир ҳам пул жўнатади, аммо кунлик ишчининг пули бу касални даволатишга етмайди. 
Набирам сут ичишни хоҳлади. Аммо чўнтакларимдан 15 минг сўм пул чиқмади. Бир дўкон доим қарзга нарса берарди. Қарзларимиз кўпайиб кетгани учунми, ўша куни у ҳам беришни истамади. Бошқа дўкондан сўрадим, у ҳам рад жавобини берди. Пулсизликдан жуда қийналдим. Саховатпеша инсонлар бўлса, шу қизим ўзини ўнглаб, фарзандини даволатиши учун қўлингиздан келганча ёрдам беринглар, — дейди бемор боланинг бувиси.

Ибрагимов Ҳумоюнга хайрия қилушни истасангиз,

8600 0423 8940 3873

Шарофова Сарвиноз

Мурожаат учун: +99897) 614-04-71 (беморнинг бувиси)