“Меҳридарё” лойиҳасига фарғоналик Муҳайё Исомиддинова мурожаат қилиб, 2017 йилда туғилган ўғли Элмурод Собировнинг даволаниши учун халқдан ёрдам сўради.
— Ўғлим уч йилдан буён апластик анемия касаллиги билан оғрийди. Ҳозирги кунда унинг аҳволи анча ёмонлашган. Баданлари кўкариб, жароҳат олса, қон тўхтамайди. Боғчага бормайди, болалар билан ўйнашига ҳам рухсат бермайман. Чунки кичик жароҳат ҳам унга катта хавф туғдиради. Бу касалликка қарши бир ўзим курашолмаяпман.
Отаси бизни ташлаб кетган, ойига 243 минг сўм алимент тўлайди, холос. Уч йилдан буён даволанамиз, аммо бирор марта ўғлини кўриш учун келгани йўқ.
Баъзан ўғлим тенгдошларига ҳавас қилиб, у-бу нарсани олиб беринг, дейди. Бемор бола билан ишлолмаганим учун қўлим калталик қилади. Унинг устига, бир неча ойдан буён ижара уйда яшаяпмиз. Укамни уйлантиришимиз керак, ота-онамга оғирлигим тушишини истамайман.
Ўғлимнинг ичадиган дорилари жуда қиммат. Уларни Ҳиндистондан олишимиз керак. Ўғлим 7 ёшга тўлди, аммо шу кунгача хатна қилдирганимиз йўқ. Шифокорлар керакли дориларни олгандан кейингина хатна қилдиришимиз мумкинлигини айтишди.
Яхши инсонлар, ёлғиз фарзандимни даволатишим учун кўмак беринглар. Умримнинг сўнгига қадар ҳаққингизга дуода бўламан, — дейди беморнинг онаси.
Собиров Элмуроджонга хайрия қилишни истасангиз,
8600 0610 0837 8670 (Исомидинова Мухайё)
4073 4200 8515 0534 (Мукҳайё Исомидинова)
Мурожаат учун: +99890 039-53-64
Изоҳ (0)