Шимолий Корея “исталган вақтда” ядро синовини ўтказишга тайёр. Бу ҳақда Жанубий Корея мудофаа вазири Ли Чжон Соп маълум қилди, деб хабар бермоқда Yonhap.
“КХДР еттинчи ядро синовига тайёргарликни аллақачон якунлаган ва исталган вақтда ядро синовини ўтказишга қодир”, — деди вазир.
Ядровий синовдан мақсад ядро каллакларини оммавий ишлаб чиқариш ва тезкор жойлаштириш учун зарур бўлган “якуний технологик текширув” бўлиши мумкин, деди у Жанубий Корея парламенти мудофаа қўмитасига берган ҳисоботида.
Жанубий Корея мудофаа вазирининг сўзларига кўра, Вашингтон ва Сеул алянснинг “кучли иродаси”ни намойиш қилиш учун жавоб чораларини тайёрлаган. Булар АҚШнинг стратегик активларидан фойдаланган ҳолда қўшма кучларни намойиш этишни ўз ичига олади, деди Ли Чжон Соп.
Шимолий Корея охирги ядровий синовини 2017 йилда амалга оширган эди. Пхеньян жами олтита ядровий синов ўтказган.
2017 йил 3 сентябрь куни Шимолий Корея ҳукумати термоядро каллагини муваффақиятли синовдан ўтказганини маълум қилди. Жанговар каллакни мамлакат томонидан ишлаб чиқилган қитъалараро баллистик ракетага ўрнатиш мумкин.
Ундан кейин Пхеньян яна бир ядровий синов “мукаммал ўтгани” ҳақида эълон қилди. Ушбу синовдан сўнг Шимолий Кореянинг Пхунгери ядро полигони жойлашган Хамгён-пукто провинциясининг Килчжу шаҳри яқинида магнитудаси 5,6 дан 6,4 гача бўлган зилзила содир бўлди. Жанубий Корея ҳарбийлари ушбу полигонни кузатишни кучайтирди.
Изоҳ (1)
Bu qanaqa mas'uliyatsizlikki yo'qolish arafasida turgan noyob hayvon turi vahshiylarcha o'ldirilsa ?yuqoridagilarni ko'zi qayerda nima xaqqi bor shunday tabiat mo'jizasini o'ldirgan vahshiylar faqat intizomiy chora yetarli emas qattiq chora ko'rilsin bunaqa tabiat dushmanlariga agar shu ketishda ketadigan bo'lsak ex noinsoflar yaratganni qaxriga uchragurlar.