Ўзбекистон билан чегарадош Қозоғистоннинг Чимкент шаҳри аҳолиси баҳор учун одатий бўлмаган чаёнлар босқинидан азият чекмоқда. Бу ҳақда АСТАНА телеканалига таяниб, “Дарё”нинг Қозоғистондаги мухбири хабар берди.
Чимкентликларнинг уйларида чаёнлар тез-тез кўрина бошлади. Шаҳар аҳолиси уларни ҳаммом, ошхона, ертўла ва сабзавот қопларида аниқламоқда.
“Мен тушлик тайёрлаётган эдим. Қоғоз пакетдаги қолган картошкани раковинага ташлаётгандим, пакет ичидаги чаён раковинага тушди. Уни пластик челакда ушлаб турдим, қўрқувдан ҳушимни йўқотишимга сал қолди”, — дейди аҳолидан бири.
Чаёнлар ёзда, айниқса, юқори иссиқликда жуда ҳам тажовузкор бўлади. Бу даврда чаён чақиши бўйича статистика кескин кўтарилади. Ҳолат юзасидан ҳар куни уч нафаргача одам тиббий ёрдамга мурожаат қилади. Шифокорлар агар болалар ва қариялар чаён чақишидан жароҳатланса, шошилинч касалхонага боришдан огоҳлантирмоқда.
Чаён чақиши оғриқли укол ёки ҳашаротлар ҳужумига ўхшайди, шунинг учун одам чаён чаққан тақдирда дарров сезади. Кўпинча бу юрак етишмовчилиги, кучли хавотирланишнинг ривожланиши билан бирга келади. Шунингдек, жабрланувчининг ҳаракатларида сустлик кузатилиши мумкин.
Светлана Шестернёва, Олмаота
Изоҳ (0)