Семиришнинг олдини олиш кейинчалик бу муаммо билан курашишдан кўра осонроқдир. Умуман олганда, вазн ортишига сабаб бўладиган севимли машғулотлардан халос бўлинг! Бу одатларнинг ҳар бири зарар, шу билан бирга, ортиқча вазн ҳамдир.
Ижтимоий тармоқларда ўтириш
Бу фақатгина ҳар бир ижтимоий тармоқни севувчи инсон эртами-кечми дуч келадиган стресс ва уйқу бузилиши эмас. Ўтган йили Harvard Health блогида эълон қилинган тадқиқот шуни кўрсатдики, кунига бир соатдан кўпроқ ижтимоий тармоқларда вақт ўтказадиганларнинг семириб кетиш эҳтимоли 57 фоизга кўпроқ бўлади. Бунинг барчаси бошқаларнинг фотосуратларини кўриш натижасида пайдо бўлган тана қиёфаси ёмонлашгани сабабли. Алданманг ва тез-тез ўзингиз учун рақамли детоксни ташкил қилинг — бу жуда фойдали.
Кўп шарбат ичиш
Агар шарбатлар янги сабзавот ва меваларнинг ўрнини босади деб ҳисобласангиз, унда сиз учун ёмон хабаримиз бор. Шарбатлар таркибида соғлиқ учун асосий фойда келтирадиган клетчатка мавжуд эмас. Шакар миқдори кўп бўлиб, организмда дарҳол сўрилади ва ҳақиқий инсулин зарбасини беради. Кунига атиги икки стакан шарбат — юрак хуружи хавфи 150 фоизга ошди, деганидир. Ва бу ҳазил эмас. Ҳа, шарбатлар қоматга ҳам худди шундай салбий таъсир қилади. Шунинг учун аввалига кунига бир стакан шарбат, кейин эса имкон қадар камдан кам ҳолларда. Яхшиси, унинг ўрнига олма еганингиз афзал.
Спорт билан шуғулланмаслик
Албатта, вазн йўқотишда фақат парҳезга таянишингиз мумкин, аммо бунга мунтазам жисмоний фаолиятни қўшсангиз, жарайон тезроқ ва самаралироқ бўлади. Мушакларни ҳосил қилиш учун танага кўпроқ энергия керак бўлади. Шунинг учун кичик юклардан кейин ҳам метаболизм тезроқ ишлайди ва ёғлар фаолроқ эрийди. Жумладан, қорин соҳасидаги ёғлар.
Нотўғри овқатланиш
Оч бўлмасангиз ҳам овқатланишингиз керак — бу қоидадир. Озиқ-овқатнинг одатдаги қисмини қабул қилмаган организм дарҳол метаболизмни секинлаштиради — кейинги сафар қачон овқатланиш мумкинлигини ким билади? Ҳар сафар тушлик ёки нонуштани ўтказиб юборсангиз, ўзингизга семириш учун ёрдам берасиз. Бундай қилиш ярамайди.
Газли ичимликлар ичиш
Айниқса, ширин. “Шакарсиз” ёки “0 калория” дейилгани ҳам зарарли. Сунъий ширинлаштиргич қўшилган ичимликлар семириш хавфини сезиларли даражада оширади — диабет ва юрак касалликлари каби. Яхшиси, сув ичинг.
Сувни кам ичиш
Дарвоқе, сув ҳақида. Қанчалик кам ичсангиз, вазн билан боғлиқ муаммолар шунчалик кўп бўлади. Етарлича намлик олмаган организм ўзида мавжуд сувни бор кучи билан сақлашга интилади. Оқибатда, шиш кузатилади, бу эса қоматга таъсир қилади. Бир ёки икки килограммни тезда йўқотмоқчи бўлсангиз, бир неча кун давомида саккиз стакан сув ичинг — натижа сизни ажаблантиради.
Меъёрдан ортиқ ишлаш
Ҳаддан ташқари ишчанликда фойдали нарса йўқ: стресс, оила билан совуқ муносабатлар, юрак-қон томир тизими касалликлари ... Ва пайдо бўладиган қўшимча килограммлар. Айниқса, уззукун ўтириб ишлайдиганлар учун. Ишдаги вазифаларни камайтира олмасангиз, ҳеч бўлмаганда соғломроқ қилинг: гимнастика учун ҳар соатда кичик танаффуслар қилинг, офис стулингизни фитнес тўпи билан алмаштиринг ва тушликдан сўнг озгина сайр қилинг.
Мавзуга доир:
Изоҳ (0)