Қўқон педагогика институтининг қизлар ётоқхонасига камера ўрнатилгани аниқланганди. Олий таълим, фан ва инновациялар вазирлиги ҳолат назоратга олинганини маълум қилди.
Қайд этилишича, вазирлик инсон шахсий ҳаётига ўзбошимчалик билан аралашиш, шахсий маълумотларни очиқлашга уриниш каби хатти-ҳаракатларни қаттиқ қоралайди, ушбу ҳолатни талаба-қизларнинг шаъни ва қадр-қимматини камситиш деб баҳолайди. Ҳеч ким инсон эрки ва шахсий ҳаётига дахл қилишга ҳақи йўқ, деб ҳисоблайди.
Шу сабабли бевосита жараёнда иштирок этиб, хизмат вазифасини суиистеъмол қилган 4 нафар масъул ходим, жумладан, воқеада бевосита иштирок этган проректор эгаллаб турган лавозимидан озод этилган ва бир нафар мутахассисга интизомий жазо чораси қўлланилган. Вазирлик воқеа иштирокчиси бўлган қизларнинг тазйиқсиз таълим олиши кафолатланишини маълум қилган.
Изоҳ (0)