Чироқчидаги қишлоққа борган ёввойи айиқ ҳудуддаги мактаб биносига киришга урингани айтилган эди. Вилоят мактабгача ва мактаб таълими бошқармаси ахборот хизмати ҳолат юзасидан дастлабки маълумотларни берди.
Унга кўра, ҳолат масъуллар иштирокида атрофлича ўрганилмоқда. “Дарё” Чироқчи туман Мактабгача ва мактаб таълими бўлими раҳбари Фарҳод Жуманов билан суҳбатлашиб, вазият ҳақида қўшимча ахборот олишга уринди.
Масъул айни пайтда айиқ киришга уринган 103-мактабга етиб борганини, вазиятни ўрганаётганини билдирди.
Маълум бўлишича, айиқ 103-сонли мактаб биносидаги деразаларга урилган. Дераза синиши оқибатида қон излар пайдо бўлган.
“Айиқни мактабга келиш оқибатида бирор-бир ўқувчи ёки педагог ходимларга тажовуз қилмаган.Ҳеч қандай жароҳат кўриш ҳолати мавжуд эмас”, дейди Мактабгача ва мактаб таълими бўлими масъул ходими.
“Дарё” воқеалар ривожини кузатишда давом этади.
Изоҳ (0)