Қашқадарё вилоятининг Чироқчи туманидаги қишлоқларнинг бирига борган ёввойи айиқ ҳудуддаги мактаб биносига киришга урингани айтилмоқда. Бу ҳақда “Дарё” мухбири хабар берди.
Маълум бўлишича, ёввойи айиқ борган мактаб қишлоқдаги 103-мактаб биноси ҳисобланади.
“Айиқ мактаб биносига киришга уринган. Аммо бунинг имконини қилолмаган. Видеода мактаб биносининг кириш эшиги ва деразаларида қон излари, қон доғларига кўзингиз тушиши, шунингдек, дераза ойналаридан бири синганини кўришингиз мумкин”, — дейди манба.
Аввалроқ Чироқчи тумани ҳокими бошчилигидаги сектор раҳбарлари ва туман экология бўлими ходимлари ёввойи айиқни тутиб, уни Самарқанддаги қўриқхонага топшириш ҳаракатига тушгани маълум қилинганди.
Изоҳ (1)
Кон доглари булмас Эди биттаси машина билан карсиллатиб урди айикни менимча Кон доглари шундан,
Зудлик билан мутахасис чакириб, ахолида паника уйготмасдан муаммони бартараф килиш керак эди. Бечора йирткич жонворга азоб бермасдан.