UzAuto Motors акциядорлик жамиятининг Хоразм вилояти филиали Damas ва Labo автомобилларини ишлаб чиқариш қувватини йилига 70 минг донадан 100 минг донага ошириш учун техник база қуриш бўйича тендер эълон қилди. Бу ҳақда “etender.uzex.uz” порталида маълум қилинди.
UzAuto Motors 30 март куни Labo автомобилларининг кузов қисмларини пайвандлаш ва пўлат рулонларни бўйлама кесиш линияси биносини қуриш объекти бўйича тендерни порталга жойлаган. 17 апрель куни якунланадиган лотнинг бошланғич қиймати 20 миллиард 406 миллион 218 минг сўмни ташкил этади.
Лойиҳа-смета ҳужжатларига кўра, қурилиш ишларининг умумий қиймати 28 миллиард 700 миллион сўмдан ошади. Бу маблағ ҳисобидан, линия биносидан ташқари:
- пайвандлаш цехи;
- бўёқлаш цехи;
- йиғув цех қуриш;
- ободонлаштириш ишлари амалга оширилади.
Техник ҳужжатга кўра, 2023 йилдан бошлаб UzAuto Motors’нинг Хоразм филиалида ҳар йили 80 минг дона Damas, 20 минг дона Labo ишлаб чиқарилиши режалаштирилган.
Изоҳ (1)
Узи умуман ишлаб чикаришни купайтиргандан кура сифатига етибор берса буларди хозирги чикайотган дамасла брак чикараяпти одамли мошинани пулини супуруб олмайди ахир салгина етибор билан чикарийла брак чикармасдан