“Дори-дармон” акциядорлик компанияси “Тutukon Neo ичиш учун эритма 250 мл” дори препаратидан огоҳ бўлишга чақирганди.
Бу хабар “Дарё” нашри томонидан 3 апрель куни “Ўзбекистонда яна бир дори воситасидан фойдаланиш тақиқланди” сарлавҳаси остида эълон қилинган.
Дори воситалари, тиббий буюмлар ва тиббий техника экспертизаси ва стандартлаштириш давлат маркази “Grand Medical Group АG” компаниясининг “Тutukon Neo” дори воситаси чақириб олинган сериясига оид маълумотлар “Дарё” томонидан нотўғри талқин қилинганини қайд этди.
Маълум бўлишича, Испаниянинг “Дори воситалари ва тиббий буюмлар агентлиги” (АЕМПС) қарорига биноан, Испаниянинг Labaratorio Мiquel Y Garriga Inc, С.L. корхонаси томонидан ишлаб чиқарилган “Тutukon Neo ичиш учун эритма 250 мл” (флаконларда) дори препаратининг “Зарур ишлаб чиқариш амалиёти (GMP)” талаблари бузилган ҳолда ишлаб чиқарилгани аниқланган.
Соғлиқни сақлаш вазирлиги ҳузуридаги Дори воситалари, тиббий буюмлар ва тиббий техника экспертизаси ва стандартлаштириш давлат маркази юқоридаги маълумотга асосан, республика ҳудудига кириб келган қуйидаги: Р-049, Р-050, Р-051, Р-078, Р-080, Р-222, Р-236, Р-081, Р-124, Р-204, Р-205, Р-206, Р-218, Р-219, Р-220, Р-221, Р-223, Р-224, Р-225 серияларини фармацевтика бозоридан муомаладан қайтариб олинаётганини маълум қилган.
“Дарё” нашри расмий берилган ахборот нотўғри талқин қилинган хабарни эълон қилгани учун ишлаб чиқарувчи ва жамоатчиликдан узр сўрайди.
Изоҳ (0)