Туркиянинг AnadoluJet авиакомпанияси Анқара—Тошкент—Анқара янги йўналишини очди. Бу ҳақда Uzbekistan Airports матбуот хизмати хабар берди.
Қайд этилишича, биринчи йўловчи рейси 2023 йил 17 апрелга белгиланган. Рейслар Boeing 737-800 самолётларида ҳафтасига бир марта — душанба кунлари амалга оширилиши режалаштирилган.
AnadoluJet — бош қароргоҳи Анқарада жойлашган Turkish Airlines лойиҳаси бўлган авиакомпания. Авиакомпания паркида 59 та самолёт мавжуд бўлиб, улар 89 та йўналишда ички ва халқаро рейсларни амалга оширади.
Аввалроқ Россия авиакомпанияси Сочи—Урганч йўналиши бўйича тўғридан тўғри парвозларини бошлаши, Ҳиндистон авиакомпанияси Деҳли ва Тошкент ўртасида қатновларни йўлга қўйиши, Ўзбекистон ва Миср ўртасидаги авиақатновлар сони кўпайтирилиши тўғрисида хабар берилганди.
Изоҳ (0)