Дўкондаги ўзингизга ёққан ширинликларни уйда тайёрласангиз ҳам бўлади, бунинг учун вақт, маҳсулотлар ва рецепт кифоя. “Горяшая изба” нашри уйда тайёрлаш мумкин бўлган 5 хил ширинлик рецептини тақдим этди. Бу ширинликлар катталарга ҳам, кичикларга ҳам жуда ёқади.
Мазали трюфел
Керакли масаллиқлар:
- аччиқ шоколад — 200 г
- 30 фоизли қаймоқ — 200 г
- сариёғ — 25 гр
- какао — 3 қошиқ
- шакар кукуни — 2 қошиқ
Тайёрланиши:
- Шоколадга қаймоқ қўшиб сув ҳаммомида эритиб олинг. Масса эриганда сариёғ қўшинг. Трюфелларни 8 соат давомида музлаткичга қўйинг.
- Какао ва шакар кукунини аралаштиринг.
- Шоколаднинг бир қисмини қошиқ билан олинг. Тўпчага айлантиринг ва какао кукунига солинг. Бу ишни дарҳол қилишингиз керак, чунки шоколад қўлда жуда тез эрийди. Ширинликларни ярим соат давомида музлаткичга қўйинг.
Рафаэлло
Керакли масаллиқлар:
- сариёғ — 130 гр
- кокос қириндиси — 130 гр ва яна 4 қошиқ
- бодом — бир ҳовуч
- қуюлтирилган сут — 4 ош қошиқ
Тайёрланиши:
- Эритилган сариёғни қуюлтирилган сут ва 130 грамм кокос қириндиси билан аралаштиринг. Массани ярим соат давомида музлаткичга қўйинг.
- Бодомнинг пўстлоғини тозаланг. Бунинг учун уни 5-10 дақиқа давомида қайноқ сувга солиб қўйинг. Кейин ювиб ташланг. Шунда бодомнинг пўстлоғи осон тозаланади.
- Конфетчаларни ясанг. Ҳар бир тўпчанинг ичига бодом қўйинг. Уни кокос қириндисига ботириб олинг. Массани ярим соат давомида музлаткичга қўйинг.
Ирис
Керакли масаллиқлар:
- Шакар — 200 гр
- 30 фоизли қаймоқ — 200 мл
- Сариёғ — 30 г
- асал — 3 ош қошиқ
- бир чимдим ванилин
Тайёрланиши:
- Барча маҳсулотларни қалин таг қисмига эга бўлган идишга солинг. Уларни 30 дақиқа давомида ўртача оловда вақти-вақти билан аралаштириб, пишириб олинг.
- Уни бироз совитиб, силикон қолипларга қуйинг. Маҳсулотларни музлаткичга 8 соат, музхонага 30-40 дақиқага қўйинг. Ширинликлар қолипдан осонгина чиқиши керак.
Қуритилган мевалардан тайёрланадиган фойдали ширинлик
Керакли масаллиқлар:
- қуритилган мевалар (майиз, туршак, хурмо, анжир) 1 ош қошиқ
- ёнғоқ (бодомдан фойдалансангиз ҳам бўлади) — ярим қошиқ.
- асал — 1 ош қошиқ
- лимон — бир донанинг учдан бир қисми
- кунжут — 3-4 ош қошиқ
Тайёрланиши:
- Қуритилган меваларни ювинг ва 20 дақиқа давомида қайноқ сувга солинг. Кейин сувни тўкиб ташланг.
- Қуритилган мевалар, ёнғоқлар ва асални блендер идишига солинг. Лимон шарбатини сиқиб чиқаринг. Силлиқ массага айлантиринг.
- Кичик думалоқ тўпчалар ҳосил қилинг. Ҳар бирини кунжутга ботиринг.
Қулупнайли зефир
Керакли масаллиқлар:
- олма — 3 дона
- бир ҳовуч қулупнай
- шакар — 150 гр
- агар-агар — 1 пакет (7 г)
- тухумнинг оқи — 2 дона
- лимон кислотаси — бир қошиқнинг учдан бир қисми
- шакар кукуни
Тайёланиши:
- Олмани тозаланг. Уни микротўлқинли печда юмшоқ бўлгунча пишириб олинг. Қулупнайни блендерда пюре ҳолатига келгунга қадар майдаланг. Сизга 250 мл қулупнай пюреси керак бўлади. Агар кам бўлса, уни сув билан суюлтириш мумкин.
- Иккита тухум оқига 50 грамм шакар ва лимон кислотасини қўшиб, яхшилаб аралаштиринг.
- Мева пюреси, 100 грамм шакар ва агар-агарни қалин тагли идишга солинг ва 4 дақиқа давомида пиширинг.
- Тухумнинг оқини аралаштираётганингизда унга иссиқ пюрени қўшинг.
- Қандолат маҳсулотлари учун мўлжалланган пакетга пюрени солинг. Пюрени ўзингизга ёққан шаклда қуйиб олинг. Уларни хона ҳароратида тахминан бир соат қолдиринг, зефирлар қаттиқ ҳолатга келиши керак.
- Зефирнинг устига шакар кукунини сепинг.
Ёқимли иштаҳа!
Изоҳ (0)