Пишлоқли соус қўшиб тайёрланадиган товуқли фрикаделка мазали таъмга эга. Уни макарон билан қўшиб истеъмол қилишингиз мумкин. Кўкатлар егуликка ўзгача таъм беради.
Фрикаделка учун керакли маҳсулотлар:
- эзилган нон бўлаклари — 90 г
- қаймоқ — 120 мл
- пармезан ёки бошқа турдаги пишлоқ — 50 г
- тухум — 1 дона
- саримсоқ — 2-3 донача
- товуқ гўштидан қилинган қийма — 900 г
- туз — 2 чой қошиқ
- мурч — ярим чой қошиқ
- сариёғ — 30-40 г
- ўсимлик ёғи — 1 ош қошиқ
Соусга солинадиган масаллиқлар:
- саримсоқ — 1 донача
- пармезан ёки бошқа турдаги пишлоқ — 70-90 г
- сариёғ — 70 г
- ун — 1 ош қошиқ
- қаймоқ — 450 мл
- туз — таъбга кўра
Тайёрланиши:
- Эзилган нон бўлакларини қаймоқ билан аралаштиринг. Пармезанни майда тишли қирғичдан ўтказинг. Тухумни озгина кўпиртиринг. Саримсоқни майдаланг.
- Маҳсулотларга қийма, туз, мурч қўшинг ва аралаштиринг. Думалоқ фрикаделкаларни ҳосил қилинг.
- Идишга сариёғ ва ўсимлик ёғини солиб қиздиринг. 8-10 дақиқа давомида фрикаделкаларни қовуринг. Уларни тарелкага солинг ва устини фолга билан ўранг.
- Саримсоқни қирғичдан ўтказинг ва пишлоқни майда қилиб тўғранг.
- Қиздирилган идишга сариёғни солиб эритиб олинг. Таъмни яхшилаш учун саримсоқни ярим дақиқа давомида қовуринг.
- Элакдан ўтказилган унни солинг. Аралаштириб, тахминан 3 дақиқа қовуринг.
- Қаймоқ ва тузни солинг ва аралаштиришда давом этинг, соусни яна 5-7 дақиқа давомида пиширинг. Уни оловдан олиб пишлоқ билан аралаштиринг.
- Фрикаделкаларни идишга солинг қаймоқли соус билан аралаштириб олинг.
Ёқимли иштаҳа!
Изоҳ (0)