Ифторлик дастурхони учун: қўй гўшти, сабзи ва картошка қўшиб тайёрланадиган хуштаъм таом рецепти

Қўй гўшти ва сабзавотлардан тайёрланадиган таом мазали таъмга эга. Унга ўзингизга ёққан кўкатларни ҳам қўшишингиз мумкин. Лавр япроғи таомга ўзгача ҳид ва таъм беради.

Керакли масаллиқлар:

• лаҳм қўй гўшти — 800-900 г
• картошка — 700-800 г
• сабзи — 3 дона
• пиёз — 1 дона
• саримсоқ — 4 донача
• ун — 1-2 қошиқ
• туз — таъбга кўра
• мурч — таъбга кўра
• шўрва ёки сув — 800 мл
• томат пастаси — 1 қошиқ
• қуритилган тимян — 1 қошиқ
• лавр япроғи — 1-2 дона
• ўсимлик ёғи — 2-3 қошиқ

Тайёрланиши:

1. Гўшт, картошка ва сабзини ўртача, пиёзни майда қилиб тўғраб олинг. Саримсоқни қирғичдан ўтказинг.
2. Қўй гўштини ўсимлик ёғида ҳар бир томонини қизартириб қовуриб олинг ва пишганидан сўнг ликопчага солинг.
3. Пиёзни товага солинг ва енгил қизаргунча саримсоқ солиб қовуринг.
4. Қўй гўштини солинг. Сабзи, томат пастаси, туз, мурч, тимян ва лавр япроғи билан картошка қўшинг. Ҳамма маҳсулотларнинг устидан шўрвани қуйинг.
5. Қайнатгандан кейин оловни минимал даражага туширинг, тованинг қопқоғини ёпинг ва гўшт, сабзавотларни тахминан бир ярим соат қайнатиб олинг.

Ёқимли иштаҳа!